Anorectal Fistula - How Can Ayurveda Treat it?

Namaskar,

Mein Dr. Sunil Arya, MD Ayurved. Main aapko bhagandar athva anorectal fistula ke bare mein batana chahta hoon youn to gudmarg mein kafi sari samasyen ho sakti hai piles and bavasir, fissure mane guddh chir, aise hi ek rog hai anorectal fistula, fistula ka matlab hota hai ki yadi guddha ke 2-3 inch ke dayre mein koi chhoti funsi hoti hai usse mawad ka risaab hota hai, khoon aata hai, dard hota hai athva abscess ban jata hai aur ek baar dava khakar theek ho jaane ke bad fir dobara agar wo banta hai to wo anorectal fistula ho sakta hai, maane bhagandar ho sakta hai use bhagandar ke treatment ke vishay mein aajkal thoda sa jankari lena bohot jaruri hai kyunki sabse pahle aaj ke samay mein fistula ko lekar ke patient jata hai surgeon ke pass to surgery ho jaane ke bad kabhi bhi koi bhi surgeon ye nahin keh sakta ki isko ek bar surgery ho jaane ke baad dubara nahin hoga, manne dobara hone ke chance bane rahate hain, aisi sthiti mein patient dayen-bayen ghumta hai aur puchta hai koi aisi treatment bataiye jisse is fistula ka sampoorn vinaash ho sake to aise mein ayurved ki Ksharsutra vidhi jo chikitsa vidhi hai ye aapko sat-pratishat nishchit roop se ek treatment uplabdh karati hai, Ksharsutra vidhi se ho jaane ke pashchat recurrence ke chance almost nahin ke barabar hote hain.

Ksharsutra hota kya hai?? Ksharsutra 1 medicated thread hai mane ek cotton thread per kuch davaon ke lep ke madhyam se, athva Kshar ke madhyam se ye taiyaar kiya jata hai aur isko bhagandar mein athva anorectal fistula main aar paar karke band diya jata hai anus per aur uske paschat har hafte use dhaage ko ham change karte hain dheere-dheere vahan se khoob mawad nikalta-nikalta rojana aur dheere-dheere wo track chhota hota chala jata hai aur dheere-dheere ek din fir wo smapt ho jata hai aur uske fir dobara hone ke chances nahin hote. Sabse acchi kya baat hoti hai is treatment ke dauran, na to patient ko bharti karna padta hai OPD level per hi uska treatment aaram se ho jata hai, na behosh karna padta hai athwa koi lumbar anaesthesia ki jarurat nahin padati hai local anaesthesia mein hi ye treatment ho jata hai aur na tissue loss hota hai, blood loss bhi aam taur per nahi hota hai hota hai aur na ke barabar hota hai, roj-roj painful dressing karni padati hai aur usse bhi acchi baat kya hai ke patient ko apne chhutti karne ki avashyakta nahin hai rojana apna kam karte rahte hue aur is treatment ko liya ja sakta hai.

Koi bhi vyakti jo is treatment ko chahta ho athva is rog se pidit ho, surgery ho chuki ho, fail ho chuki ho surgery to nishchit roop se use ksharsutra ke vishay mein jaana samajhna chahiye aur ksharsutra ka treatment nishchit roop se karana chahiye, bohot upyogi hai, labh-pradya hain aur recurrence ke chance nahi hai. Yadi aap mein se koi vyakti sampark karna chahe to lybrate ke through kar sakte hain.

Dhanyvad