Anti-Aging Or Facial Enhancement Treatment

Hi.

I am Dr. Anuj Saigal Consultant Dermatologist and Cosmetologist practicing in Delhi, NCR. Today I am going to talk about phase of life through which everyone has to pass through that is the aging process. So when it comes to the anti-aging treatments there are a lot of modalities available. These days we don't call it as anti-aging treatment anymore this is called as facial enhancement treatments because many young girls come to us and they ask for a lip job or they ask for cheek enhancement so it is no more treatment modalities for the elder age group. Anti-aging treatments mein hamare paas kya-kya modalities hai, anti-aging main kya hota hai hai, aging aapko kab lagta hai ki kab aapki skin age kar rahi hai ya to aapke face par lines aati hai tab aapko lagta hai ya fir aapki skin sag hoti tab aapko feel hota hai ki haan aging process start ho gaya hai. To aaj se 5 saal pahle hum log indications par jyada focus karte the jaise koi patient hamare paas aate the wo kehte the hamare ko ye nasolabial aa rahe hai, mujhe iska treatment karana hain ya mere forehead par lines aa rahi hai iska hume treatment karna hain to more or less jo purane treatments the wo botox or fillers pe limited the main ye nahi kah raha ki aaj ki date mein botox or fillers nahin hote, botox or fillers aaj bhi kahi indications ke liye bahut hi acche treatment hai aur infact botox or fillers se kafi cheezen improve kar sakte hain, lekin agar hamare face ko hamein holistically treat karna hai to hame sagging ko theek karna hota hai to hamari ye lines jaise nasolabial lines ki agar main baat karun to ye line kyu aati hai kyunki hamari skin sag kar rahi hoti hai. to agar hamein sagging ko theek karna hai, agar hamein facial tightening karni hai to hamare paas alag modalities hai treatment ki to hum ek-ek karke sabki baat karenge.

Pehle main lines ki baat karta hoon lines hamari 2 type ki hoti hai dynamic lines joki tab aati hai jab hum expressions change karte hain. Agar main gussa karta hoon to kuch forehead par lines aati hai, agar hum eyebrows raise karte hain to lines aati hain, hum smile karte hain to aankhon ke paas kuch lines aati hain inko hum dynamic wrinkles bolte hain inko hum bahut hi aaram se, bahut aasani se hamein ek botox treatment hota hai usse hum treat kar sakte hain 6 se 8 mahine tak aapke chehre par ye lines visible nahin hoti. Dusri Jo lines hai wo static lines hai joki lines bina expression change kare bhi visible hai jaise ki nasolabial lines hai kuch logon ko marionette lines hoti hai to ye jo upper forehead pe lines hoti hai ye lines hum fillers se correct kar sakte hain, kafi haad tak hum fillers se inko improve kar sakte hain. Fillers kya hote hain? hyaluronic acid hamare skin ka ek component hota hai usse ye fillers banaye jate hain aur wo filler hamare face pe alag-alag jagah par alag-alag indications ke hisab se inject kare jate hain. To botox jaise ki main aap ko bataya 6 se 8 mahine tak last karta hai.

Fillers kareeb 1 se 1.5 ya 2 saal tak last karte hain depending on the type of Filler jahan tak skin sagging ki baat hai wahan par hamare ko jo tightening achieve karni hai uske liye bhi different modalities hamare paas hai jaise ki agar mein baat karun to basic jo initial modalities thi wo RF(radio-frequency) skin tightening bola jata tha usko jisme ki hum heat ko use karke collagen stimulate karte the jise ki skin aap ki tight lagti thi to wo treatment har hafte kara jata hai kareeb 8 se 10 treatment uske liye jate the, ab ye treatment itna jyada common nahi hai ab isse behtar treatments aa gaye hain jinko ki hum thermage aur ultherapy bolte hain. Thermage treatment again wo bhi heat par based hota hai jisme ki hum heat stimulation dekar we try to stimulate collagen aur jis ki vajah se tightening hoti hai again it's a one time procedure ek baar kera jata hai kareeb ek se dedh ghante ka procedure hota hai, painful nahin hota numbing cream laga kar kara jata hai to as such aapko koi pain nahin feel hota hai jo iska effect hota hai wo 6 mahine ke andar maximum effect aajata hai, immediate tightening bhi hoti hai lekin 6 months mein maximum effect aajata hai or effect apka dedh se do saal tak last kerta hai.

Dusra treatment hai ultherapy, concept wahi hai collagen stimulation ka lekin usme heat ki bajaye hum ultrasonic waves use karte hain uska jo concept hai wo tightening se jyada lift mein wo kaam karta hai, to neck kahin logo ki neck ki skin sag kar jaati hai to uske liye lifting ke liye ya fir jo ye hamari side ki skin jisko hamein lift karne ki vajah se kaafi lines improve hoti hai usme wo ek better modality hai. Ye dono hi treatments machine based hote hain thermage bhi aur ultherapy bhi. Ek aur treatment hota hai jisko ki hum thread-lift bolte hain jisme ki koi machine use nahin hoti usme ek hamari bahut fine needle hoti hai usme thread hota hai usko hum thread ko insert karte hain aur needle hum nikal lete hain wo thread humare skin ke andar rehti hai aur again wo collagen stimulate karti hai lekin ye jo treatment thread-lift ka hota hai ye one time treatment nahi hota aap ko isko repeat karna hota hai jaise aaj kiya to fir one month par repeat karna hoga fir 6 months mein repeat karna hoga to do saal tak iske results last karte hain, to aaj ki date mein bahut sari aisi modalities hai jo aapki aging skin ko, main ye nahi kehta ki hum aging ko reverse kar sakte hain lekin hum bahut acche tarike se aging ko stop kar sakte hain, aging ko postpone kar sakte hain. To aap apne dermatologist ko consult kariye aur in modalities ke bare mein janiye aur dobara se agar aapki skin thodi bahut age kar rahi hai to you can get back your youthful skin once again.

Thank you!