Ayurvedic Treatment For Eye-Related Problems

Hello,

I am Dr. Bharat Bhushan Ayurveda-ophthalmology. Dekha jata hai ki aankhen thik nahi ho paati hain major cases mein and dheere dheere roshni bhi kam ho jaati hai like in diabetic retinopathy, optic nerve, glaucoma jismein roshni chali jaati hai ya fir inflammation hote rehna, recurrent uveitis, keratitis, allergies ya fir dry eyes hona, aisi bahut si samasyein badhti ja rahi hain. Aisi situations mein ayurveda bahut acha result provide karta hai. Mujhe 8 years ka experience hai. Maine alag alag hospitals mein kam kia hai. Pure vishwa mein dekha jaaye toh 239 millions ke aas pass log blind hain. Ismein India ka bahut bada population hai. 8-10 million people India mein blind hain. Pichle kuch varshon mein agar aap dekhein toh roshni kam hoti jaa rahi hai.

WHO ka result agar hum dekhein toh avoidable blindness kafi jyada hai. Aap dekhte hain ki glaucoma 2nd largest blindness ka case hai. Iske alwa diabetic retinopathy hai jismein dheere dheere roshni chali jaati hai. Bahut jyada inflammations hain. Iske lia ayurvedic bahut achi chikitsa hai. Pehle bhi ayurveda humari parchin chikitsa mein se ke raha hai. Triphala ek bahut hi achi rasayan hai, amla hai jo sardi mein bahut log use karte hain. Agar aap dekhenge to lifestyle bahut disturb ho gya hai. Sone ka time kuch pata nahi hai. Mobile, TV, computers ka misuse bhi bahut ho raha hai. Agar aap khan paan dekhein toh kuch log toh aise hain jinka nashta company mein hi hota hai, dopahar ka bhojan and ratri bhojan bhi office mein hi hota hai.

Aap samajh sakte hain ki bhojan ki kitni gudvatta unhein milti hai. Packaged food ke bahut sare side-effects hain eyes pe. Humne ye bhi dekha hai ki alag alag akaran se logon ki roshni bhi chali jaati hai. Iske alawa bhi aap dekh sakte hain ki aur bhi bahut se karan hain ya myopia hai jismein din pratidin roshni jaati hai patient ki. Toh ab ayurvedic dawaiyan hain jismein syrups and tablets hain, eyedrops hain. Hum patient ko ilaj deke ke achi drishti dete hain. Mitron aaj meri yahi ek aap logon se discussion hai ki agar kisi ko bhi aankhon se related koi problem hai toh use ignore na karien kyuki ye badi problem bhi ho sakti hai. Immediately apne nazadiki chikitsak se milein. Aur agar jyada difficulty hai toh ayurveda ki salah lein. Mai Lybrate pe hamesha available hun. Kisi bhi jankari ke lia aap mujhse contact kar sakte hain. Aankhon ki bimari se darein na. Ye kisi bhi bade karan se bhi ho sakti hai. Apni ankhon ka dhyan rakhein and inko bacha ke rakhein. Kyuki prevention hi cure hai. Kyuki aankhon ki roshni ek baar kam hone ke pashchat use vapas regain karna mushkil hai. Maintain good lifestyle, food style, do yoga, pranayam, keep away from stress. Hari sabziyan jyada khayein. Mobile, computer and TV ka correct use karein. Jo mujhe shiksha mili hai mai use ankhon ke lia use karta hun.

Dhanyawad.