Childbirth - Cesarean Vs Natural Birth

I am Dr. Rashmi Jain, Gynaecologist and Obstetrician working at Eternity Hospital, Indirapuram.

Aaj jo main topic aap logon ke saath discuss karna chahti hun jo ek layman mein bahut bada myth hai, ki private hospital mein jayenge to cesarean ho jaata hai or government hospital mein normal delivery hota hai. I think iske liye bahut hadd tak patient hi responsible hai. Jab bhi koi patient private hospital mein aata hai, uski bahut sari cheezein hoti hain. Sabse pehle aaj ke time mein delayed marriages jo hain, jis se infertility rate badh gaye hain and the baby becomes very precious. Patient khud aake demand karte hain ki hamare ko cesarean kar den.

2nd, jo unka lifestyle hai, it's become very sedentary. Jisme exercise nahi hai. Patient me pain ki tolerance nahi hai. Patient aake khud hi bolne lgte hain ki hmare ko kuch nhi chaiye, hmare ko to cesarean kar den. 3rd, ek type of patient aise bhi hote hain jo chahte hain cesarean ho jaye but unko pain na ho. To koi bhi delivery painless to hoti nhi hai. Either normal delivery or cesarean. Normal delivery ka pian to vo tolerate hi nhi krna chahte. Examination doctor se karana nhi chahte hain and they want normal delivery. How is it possible?

4th, nowadays, ek scenario or aaya hai, pandit ke paas jaate hain, ek time nikalvate hain and they want ki isi time mein hamara baby ho jaaye or isi time mein hmare ko cesarean chaiye. Ab ye to raha patient ka part . But as a doctor mujhe lagta hai ki koi bhi doctor patient ka bura nhi chahta. Vo hamesha try karta hai ki uski normal delivery ho. But us time pe hum log bhi restricted hote hain. Suppose kriye ki patient labor me aya hai, to kayi bar patient ka fetal heart disturb hone lgta hai. Abhi aaj ke time me sabhi doctor ke pas machine hoti hai.

Abhi ek machine aati hai jisko hum CTG machine kehte hain, jisme patient ke attendant ko samjha dia jaata hai ki isme fetal heart 120-160 aati hai to normal hai. Agar iske beyond jaati hai to there is a risk. Baby ki dhadkan kharab ho rhi hai. Us case mein dekhte hai ki agar delivery turant hone vali hai to ho sakta hai ki normal ke lia le jayen. But agar delayed hota hai to us case mein humein cesarean ke lia dena pdta hai. Sometimes baby andar potty kar deta hai. Vo bhi aap easily dekh skte hain or judge kar skte hain. Normal jo leaking ka color hota hai that is white but agar bacha andar potty kar deta hia to uska color green ho jata hai. Ek bhut common hai jisme baby ko baby and mother ko pain de rhe hain, contraction bhi ache aa rhen hain but vo progress nhi ho rhen hain. Bachedani ka muh open nhi ho rha hai ya baby ka head down nhi ho rha hai to us case me apko doctor pe believe karna hi hoga ki patient progress nahi kar rha hai and baby k liye risk hai or us case me humein cesarean k lia jana pdega.

Ek patients ke andar bhut bada myth hai ki pehla operation ho gya to dusra bhi operation hoga. Lekin aisa zaruri nhi hai. Leki agar 2 cesarean ho jate hain to 3rd cesarean hona hi hai. Ek sabse badi baat hai ki delivery hamesha patient karta hai, doctor usko support karte hain and guide karte hain but at the end of the day, delivery hamesha patient karta hai. Normal delivery mein hamesha patient ka hi effort hota hai. Hum hamesha patient ko counsel karte hain. And last but not the least, koi bhi doctor, apne patient ka kabhi bura chahta hi nhi hai. Hamesha vo yahi chahta hai ki uska patient acha rahe, maa or bacha dono acha rhe. Patient kisi bhi way mein kharaab na ho. Doctor insaan hain. Vo apna effort kar sakte hain lekin doctor bhagwan nahi hai. Islia sabko thoda doctor ki taraf se bhi sochna chaiye or doctor ka point of view bhi samajh k karna chaiye or itna bahut clear hai ki koi bhi patient apne doctor ka kabhi bhi bura nahi chahta. Thank You!