Common Skin Related Problems

Hello friends.

I am Dr. Punit, practicing dermatologist in Noida. Toh hum aaj is weather mein sabse common problems ko discuss karenge of course it is a hot and humid weather but we will be discussing rather the skin problems which are the most common yani vo medical conditions jo skin par sabse jyada common hai. Ye sabse jyada common problems mein fungal infection sabse upar aate hai jo ki iss mosam mein sabse jyada badh jata hai aur ye scalp se lekar that means head to toe kahi par bhi affect kar sakta hai. To upar se shuru karte hai, sabse pehle scalp infection jo ki baccho mein bahut common hota hai jise hum tenia capitalis bolte hai and route of transmission is through pets usually those who play with pets ya who spend more time with pets so these might catch up this infection. Isme uss area ke baal dheere dheere khatam hojate hai aur ek bald patch develop hojata hai with effective medicines early phases mein agar hum theek samay par treatment shuru karte hain to yeh hair loss ruk jata hai aur hamare baal vapas aa sakte hain.

Doosra baki body ke skin par jo common infection hai jaise ringworm bolte hai. Isme body par ring shape ke patch aajate hai jisme thoda sa scales hote hai jaise ki aam bhasha mein hum bolte hai papdi hai aur isme mild to moderate yani thoda sa lekar kafi jyada tak itching hoti hai. Ye patches size mein aur number mein dheere dheere badhte rehte hain aur kayi bar ye puri body ko affect kar sakte hai. Those who sweat more are affected more often. Iske bad most common fungal infection is jock itch it is also called Tinea cruris and it affects the inner thighs, groin and buttocks yani ke vo areas jo ki exclusively covered rehte hain and due to the change of our attire jaise ki aajkal hum log tight denims pehente hain, V-shaped underwears pehente hai so ye jo areas hote hai yaha par sunlight nahi jata hai, air nahi jata hai toh inn areas mein sweat aksar lambe time tak rehta hai to yeh this is an ideal environment for any fungal infection so of course this is because of these environment this is the most common infections. Coming to the next feet isme we call athlete foot kyunki it is more common in athletes so we call it athletes foot.

It is the fungal infection of our feet isme bhi aap ki scaling hoti hai, patches hote hai aur itching hoti hai jo office goers hote hai, jo lambe time tak shoes or socks pehante hai unhe ye commonly infection hota hai. Iske baad hamare nails bhi affected hote hai iss fungal infection se. Pair ke nakhoon jyada common hote hai usme kya hota hai usually ek pair se shuru hote hai ye infection aur usme jo hamara angootha hota hai greater toe hota hai uske nakhoon mein thickening shuru hojati hai yani ki dhere dhere hume lagta hai ki hamara nakhoon mota ho raha hai jise ki hum aksar nailcutter se katte hai to katne mein pareshani hoti hai. Dheere dheere baki nakhoon bhi affect hona shuru ho jate hai.

Yeh sari conditions treatable hai agar hum sahi samay par inka upchar lein, you should consult your nearby dermatologist aur kuch preventive measures hote hain treatment ke alawa jaise ki hot and humid environment mein yeh conditions jyada hoti hain to uss environment se bacha jaye, din mein do baar shower liya jaaye, apne towels and socks ko regularly aapko disinfect karna padega, pets agar hain ghar mein toh aap unhe shampoo se wash kare, anti dandruff shampoos are available and keep your skin hydrated as well. Avoid sharing towels if you are already infected and sabhi jo aapko maine bataya ki scalp se lekar toe nail tak sari jagah affected hoti hai but inka treatment pattern aur treatment protocol hota hai vo alag alag hota hai jaisi ki agar hamara nakhoon affected hai to uske liye jo course hota hai vo almost 3 mahine ke aas pass hota hai ya isse bhi jyada aur jo hume results dikhte hai vo kareeb 6-9 mahine ke baad results dikhte hai.

Iske alawa groin mein jo infections hote hai which is called jock itch, yeh sabse common hai and it's very difficult to treat kyunki yaha par environmental conditions jo hai woh jaldi change nahi hoti hai to uske liye hume zaroori hai ki jab hum ghar par rahe to shorts ya boxers dheele cotton ke kapde pehne, hamare inn areas ko thoda sa dry rakhna chahiye, aapke jo regular inn kapdo ko disinfect karna chahiye like hafte mein ek baar sare underwears and jo bhi hamara towel hai unhe garam pani mein 30-40 minutes tak dooba ke rakhe and uske baad use sundry kare and fir iron kare. So, these are the different modalities to treat this infection.

Take care of your skin!