Headache - Know The Forms Of It

Hi,

Main Dr. Sankalp Mohan hoon. Aaj hum baat karenge headache ke upar. Ab headache ek aam bimari hai yeh sabhi jante hain in fact shayad hi koi aisa hoga jiske sir mein dard kabhi hua na ho, agar woh keh raha hai to vo shayad jhooth hi bol raha hai. Toh normally headaches jo hote hain voh 2 prakar ke hote hai: ek jise hum kehte hai primary headache aur doosra jise hum kehte hai secondary headache. Primary headache vo hota hai jisme koi kaarand hume nazar nahi aata hai, hum kuch bhi test kara le usme koi kaarand nahi nazar aata aur kuch hote hai secondary headaches. Ab primary headaches jo hai woh jyada common hai unme se jo sabse common jo hota hai vo hota hai tension type headache aur migraine. Toh jyadatar logo mein tension type headache dekha jata hai, log jo hain tension type headache mein usually unhe dono taraf sir mein dard hota hai, thoda sa aise tightness jaisi feeling aati hai, stress ke sath associated hota hai aur sham hote hote vo badh jata hain.

Inn logi mein jyadatar aur koi problem nahi hoti aur voh apna kaam kar pate hain. To isme hum usually sirf kabhi kabhi koi pain killer de dete hai at the time of headache ya kabhi kabhi hume thoda long treatment dena padta hai agar voh chronic headache ho, chronic tension type headache. Migraine bhi ek common bimari hai toh migraine mein jyadatar migraine ke patients ko photophobia hota hai jaise light se problem hoti hai, light se headache badh jata hai, phonophobia hota hai jaise kisi sound se ya koi chilla raha ho usse ya koi loud sound se headache badh jata hai, unhe nausea hota hai, vomiting jaisi feeling hoti hai, kabhi kabhi vomit bhi ho jati hai.

Jyadatar ye ek taraf hota hai aur migraine generally attacks mein aata hai, jo attacks kuch 4-72 ghante tak rehte hai. To migraine ka jo treatment hai vo thoda alag hai. Usme aapko triggers avoid karne hote hai jaise aap loud sound ya bright light ko avoid kare, kuch khane ki cheeze se bhi logo ko jaise chocolate, coffee se bhi kayi logo ko headache ho jata hai, koi perfume se headache ho jata hai use avoid kare. Jisko frequent bar bar attack aa rahe ho unhe hume treatment dena padta hai jise hum prophylaxis kehte hai. Ab jyadatar jo headaches hote hain usme hume MRI ki zarurt nahi padti hai lekin agar neurologist ko lage ki yeh primary headache nahi hai ya kuch red flag signs hai ki matlab koi aur bimari ho sakti hai tab hum MRI karate hain. Ab secondary headaches mein bhi kayo kaarand nikalte hai, kabhi kabhi kuch rarely koi serious kaarand nikal jata hai.

Toh agar kuch aise lakshan ho jaise aapko headache ke sath bar bar dikhne mein bhi problem ho rahi ho, bar bar bahut tez headache ho raha ho jo aapko life mein kabhi nahi hua ho aur aapko uske sath kuch symptom aane lage, hath pair sunn ho jana, paralysis jaisa attack aa jana ya seizure ya mirgi ke daure aajana, toh aise type ke headaches mein hume MRI karana hi padta hai. So ant mein yahi kahenge ki headache ek aam bimari hai, more than 90-95% headache jo hote hain vo benign hote hain, unme kuch khaas ghabrane ki zarurt nahi hoti hai lekin treatment lena padta hai taki aapko baad me koi takleef na ho aur pain killers bar bar khane se bhi nuksan ho sakta hai. Thank you for watching this video and aapko aur information chahiye to aap lybrate ya fir Dr. Sankalp's neuro clinic pe contact kar sakte hai.

Thanks!