Importance Of Intercourse In Marital Life

Hi Friends,

This is Dr. Imran Khan, sexologist practicing here in Gurgaon aur hum sex ke topics pe baat karte rehte hain. Jo important topics hote hain main unko leta hun aur logon ke sath important information share karta hun. Information bohut concise hoti hai but relevant hoti hai aur bus ye samajh lijiye ki mai us topic ko center deta hun. Kisi bhi sex ke topic par bolne ke liya bohut kuch hota hai. Aap kayi ghanton tak baat kar sakte hain and discuss kar sakte hain. Lekin us topic ka center kya hai? Mai aap ko vo bohut asan jaban mein dene ki koshish karta hun. Kyuki agar hum medical term mein aap ko btayenge toh aap ke liya mushkil ho jayega samjhne ke liya. Aaj ka topic bhi bada pyara sa topic hai. Toh aaj mai aap se discuss karunga ki sex ki importance shaadi mein kya hai. Sex insan ki ek natural jarurat hai. Jaise aap ko bhook hoti hai, paani ki jarurat hai, bilkul isi tarah aap ke jism ko, ruh ko, aap ke psychological status ko sex ki jarurat hai. Isliya sex ke liya bhi tarika natural and acha hona chaiiye.

Meri nazar mein shaadi se koi dusra tarika acha nahi hai. Aaj kal aap society mein dekh rahen hai ki society mein bohut chizen common hain. Sex aap ko dono hi tarikon se fayda phuchata hai, physically and psychologically. Dimagi toor se aap jyada relax rehte hain. Kyuki fir aap ke relaxing hormones bante hain joki puri body ko relax karte hain. Sex mein aap ka cardiovascular sytem, muscles, nerves bhi stimulate hote hain. Physically and psychologically tarikon se ye relaxing hota hai. Sex insaniyat fitrat ka hissa hai, use janiye aap. Sex se aap ke relation me strong bonding paida hoti hai. Ye strong bond fir aap ke bachon mein bhi jaata hai. Jin couples ke bich mein sexual relation acha hota hai, vo kafi khush rehte hain. Unki family jyada strong hoti hai. Vo apne bachon ko jyada acha paal paate hain. Aise log society mein jyada achi taraki hi karte hain.

Vo mentally, physically bhi healthy rehte hain. Achi sexual life ke liya aap apni bimariyon ko bhi treat karenge. Agar aap ko vitamins ki deficiency hai ya aap ko koi hormonal problem hai toh aap sex mein enjoy nahi kar payenge, obviously aap use treat karne ki koshish karenge. Uske liya workout karenge, aap apne doctor se bhi milenge. Toh is tarah aap physically bhi apna dhyaan rakhte hain. Isliya sex miyan-biwi ke bich bohut importance rakhta hai. Chalte chalte mai ye khunga ki sex bohut important hai. Iske liya aap ka mutual interaction, understanding bhi bohut jaruri hai. Toh sex se pehle ek dusre ko aap samjhein, khubiyan samjhein aur ek dusre ke sath adjust karne ki koshish karen. Aur ye jaane ki samne vala insan hai, vo koi robot nahi hai. Aisa nahi hai ki uske andar koi kami nahi hogi ya us se koi galati nahi ho sakti. Toh isliya agar aap ko acha relationship build karna hai toh chote chote compromises karne padenge.

Thank You!