In Detail About Noise Induced Hearing Loss!

Hello,

Mera naam Dr. Swati Tandon hai. Aaj iss video ke madhyam se mein aapse noise-induced hearing loss ke baare mein baat karungi. Noise-induced hearing loss matlab jab humari sun ne ki shakti kam ho jaati hai jyada noise exposure se usse hum bolte hai noise-induced hearing loss. Ye jaruri kyu hai, kyuki aajkal diwali ka season hai, fire crackers burst honge toh isliye aapko sawdhani baratani hai. Noise-induced hearing loss tab hota hai jab humare kaan bahut der tak bahut unchi sound sunte hai jo ki humare kaan adapt nahi kar paate ahi, humare kaan ke andar jo inner ear hota hai, usko hum coklia bolte hai, vo hearing ke liye responsible hota hai usme hear cells hote hai jyada loud sound sunne se vo hear cells destroy ho jaate hai aur unka blood flow kam ho jaata hai iss wajah se noise-induced hearing loss hota hai. Ye hearing loss dono kaan mein hota hai aur ek jaisa hi dikhta hai. Ye high-frequency hearing loss hota hai aur ye sensory neural hearing loss hota hai isme nass jo coklia hai vo effect hota hai. Ye teen tarah ka hota hai, temporary threshold shift, permanent threshold shift aur acoustic trauma. Jab humare, coklia mein jo hear cells hote hai, sirf bend hote hai loud sound se aur damage nahi hote tab hum usko temporary threshold shift kahte hai. Jo gradual noise exposure ke wajah se ho jata hai. Gar hum uss noise ko hata de aur kaano ko rest de from noise toh ye thik ho sakta hai. Lekin jo permanent threshold shift hota hai usme hear cells damage ho jaate hai, aur vo wapis thik nahi ho pata hai. Aur jo acoustic trauma hota hai vo sudden loud noise jaise ki blast injury ki wajah se hota hai. Ab hum janege ki konsi population mein noise-induced hearing loss jyada hota hai. Jo workers hote hain mill industy mein textile industry mein, machinery industry mein jaha bahut unchi unchi awaze hoti hai jor jor se shor hota hai, tractor industry mein fire crackers burst hone se hota hai, ye sab population at risk hai.

Especially aajkal students mein, young generation mein headphones use karne ka bahut hi prachalan hai. Ye headphones agar hum jyada der tak apne kaan mein lagaenge toh iski wajah se bhi noise-induced hearing loss ho sakta hai. Dusra, traffic police bahut exposed hote hai loud noise se, traffic noise se isliye bewajah honking nahi karni chaiye road pe because of unko noise-induced hearing loss hone ke bahut chances hai because vo bahut jyada noise se expose hote hai. Agar kisi ko noise-induced hearing loss ho toh vo kaise, usko kya symptoms ayenge? Uske symptoms hote hai ek toh kaan mein sunai kam dena vo kyuki high-frequency loss hota hai toh shuru mein pahle apko telephone se sunai mein problem aati hai, telephone sunne mein problem hoti hai. Fir aap TV ka volume tez karte hai aur apko kaan mein ghanti jaisi awaz aati hai jisko hum tinnitus kahte hai.

Ab iska diagnosis kaise karna padega? Hume ek ENT specialist ko dikhana chaiye aur vo ek hearing test karate hai jisme hum hearing loss dekhte hai. Iska prevention is cure hai because iska koi treatment nahi hai ek baar agar hear cells damage ho gaye toh unko aap thik nahi kar sakte isliye apko jaha bhi aap aisi jagah pe kam karte hai jaha construction chal rahi hai, jaha shor ho raha hai hai jaha textile industry mein kaam kar rahe hai, machinery industry mein kaam kar rahe hai toh jaruri hia ki aap apne paas hearing protector devices pahan ke rakhe aur bachcho ko, young generation ko yahi advice dungi ki headphones jyada der istemal nahi kariye, headphones se apke kaan ke sunai mein bahut bahut farak padta hai, apki sunai kaafi kam ho jayegi agar aap saara din ya 12 hours atleast headphones use karenge.

Treatment ke liye as such koi treatment nahi hai lekin agar pateient ko permanent threshold shift nahi hua hai sirf temporary threshold shift hua hai aur time se doctor ke paas pahunch jaate hai toh hum antioxidants de sakte hai, unka response aa sakta hai agar patient temprory threshold wale phase mein hai. Otherwise patient ko hearing loss ho jayega uska koi ilaz nahi hai aur fir unko hearing aids hi use karne padenge. Isliye, ye diwali season hai, aap sabko ye request hai ki fire crackers se dur rahiye, fire crackers burst karte waqt dur khade hoiye nahi toh agar aapke kaan apke kaan ki nas mein koi problem ho jayegi, coklia ke hearcells damage ho jayenge toh vo fir kabhi think nahi ho payenge aur apko learing loss hi rahega.

Thank You!