Know More About Female Sexual Problems

Hi all,

Mai sexologist Dr. Shirish Malde Mumbai se aap sabhi ko pranaam karta hoon. Langik samasya, yon samasya ke bare mein hum jo jankari aapko de rahe hain isme aaj main aapko ek aise vishye ke bare mein jankari dena chahunga jo ab tak jyada discuss nahi hota tha. Aksar 20-25 saal pehle streeyon mein bhi sexuality hoti hai, mahilaon ki bhi sex samasyaein hoti hain yeh manne ko koi taiyar hi nahi hota tha. Lekin mitro ab samya badal gaya hai, stree aur purush dono ek saman hai ye vigyan mein aur samajik roop se bhi yeh baat prasthapit ho chuki hai. To streeyon ki bhi jo langik samasya ya yon samasya hoti hai iske bare mein hum aaj jankari lenge. To sabse pehle main bataun streeyon mein langik samasya hoti kya hai? Agar clinic se judi huyi baat main agar aapse kahun toh sabse jyada jo samasya nazar aati hai vo streeyon mein samasya yeh hai ki unhe climax ka anubhav nahi hota yani ise anorgasmia kehte hai. Orgasm yani sex ki charam seema ka anubhav karna or anorgasmia yani yeh charam seema ke anubhav se vanchit hona. To yeh streeyon mein number 1 samasya payi jati hai.

Doosri samasya hai kafi common hai aur voh hai painful sex yane sex sambandh ke dauran dard ka mehsoos hona. Bahut saare kaaran ho sakte hai mansik roop se kayi bar stree mein agar darr ki bhavna hai to bhi use dard mehsoos ho sakta hai ya kabhi shareerik roop se stree ko jaise yoni mein yogya straav nahi aata hai to sookhepan ki vajah se bhi use dard ho sakta hai. Lack of sexual desire yani sex ki ichcha hi na hona. Bahut saare kaaran ho sakte hai yeh har ek samasyaein ek ek alag se iske upar video hum banayenge lekin jyadatar streeyon mein dekha gaya hai ki voh emotional oriented hote hain. Streeyon mein jo sex ka relation hai yeh emotion se kafi juda hua hai agar kisi tarah se stree emotional disturbed hai, usko partner ko ke sath ke relation mein agar voh comfortable mehsoos nahi karti hai tab voh sex ki ichcha gawa baithti hain. Kabhi streeyon mein arousal problem hoti hai yane sex ki ichcha hoti hai lekin uttejna mehsoos nahi karti hai.

Aksar hum dekhte hai ki kafi bhartiye purush streeyon ke nazdeek jab vo intimacy banate hai tab apni shareerik swachchta ka dhyaan nahi rakhte hai, smoke ya gutka mawa kha kar ke jab vo partner ke pass jate hai tab agar yeh partner agar vo smoke ki smell se ya mawa ki smell se agar use takleef hoti hai to vo uttejna bhi mehsoos nahi kar pati hai us samya. Aise bahut sare kaaran hai jise stree ki kame-ichcha par asar aajata hai or sabse ahem jo ek issue hai vo hai dono partner ke beech ke relation ke upar. Relation jitna smooth hota hai, jitna open hota hai utna sex relation asaani se hota hai. Agar husband wife ka general relation kahi theek nahi hai, communication ka kafi gap hai, dono mein apas me samanjasya nahi hai aisi paristhiti mein dono ki sex life bhi kafi achi nahi rehti hai.

Aksar aapne dekha hoga ki purusho ke liye baazar me ton ke hisab se dawaiyan uplabdh hai viagra ho ya sialis ho yeh bahut sari dawaiyan purushon ke liye bani hai lekin streeyon ke liye koi bhi dawa aap baazar me nahi dekhte. Uski vajah yahi hai ki streeyon ki jo sex ki bhavna hai yeh dawaiyon mein ya is tarah ke kisi nuskhe se theek nahi hoti hai. Unko treatment ke liye stree ke sath jyada se jyada counselling ho, unke samasya ke mool tak jaye, jo bhi chikitsak unke treatment karta hai voh sirf upar se superficial treatment na dete huye samasya ke mool tak jane ki koshish kare. Husband wife ke relation mein kahan kami hai, kahan problem hai agar vo identify kar lete hain to yeh treatment kafi hadd tak successful rehti hai.

Dhanyavad!