Liver - Things To Keep It Healthy

Hi,

I am Dr. Amarjit Singh Jassi, Ayurveda, Delhi. Today I will talk about the most important organ liver. Liver humari body mein 80% kam karta hai. Jaise body ka immune system badhana, metabolism, toxins ko bahar karna, vitamins banana.

Humari body ke dusre parts ko paushtik tatva dene mein help karta hai. So, doston aaj kal ki unhealthy diet and lifestyle hai uske bahut sare cases humare pass aate hain. Humnein fatty liver, liver psoriasis dekhen hain. Iski vajaha se bimariyan badh rahi hain. Iska main karan hai bigda hua lifestyle, unhealthy diet, Jyada alcohol lena, acidic food lena, jyada spices consume karna and bahut der tak sona aur der tak sote rehna.

Hormonal imbalance ka effect bhi liver pe padta hai. Aaj hum janenge ki iske lakshan kya hain. Jaise skin kharab hona, itching hona, Gehre rang ka urine aana, kam bhook lagna, maan khatta hona ya fir vomiting hona, ye sare lakshan liver se related hote hain.

Toh aap ko kya karna chaiye, aap ko LFT test karana chaiye. Aap ko apni diet change karni chaiye and lifestyle change karna chaiye. Aap ko hari sabaziyan khani hain, fresh fruits khayein. Fresh fruits ke sath aap apne sone ka fix time kijiye. Morning walk karein. Ye sari chizen aap ke liver ko healthy rakhane mein help karti hain.

Fatty liver ke lia humare pass kuch ayurvedic upaye hain. Liver fat ko kam karne ke lia aap aadha liter pani lijiye, ek chamach ajwain and adha chamach kala namak daal ke aap kache ghade aur kanch ke bartan mein raat ko rakh dijiye.

Morning mein saade pani mein mila ke use pijiye. 5-6 times aap ne us pani ko peena hai. 1-2 months aap ko aisa hi karna hai and aap ka liver detox hoga. nimbu paani se bhi aap ke lliver detoxify hota hai.

Green tea ke fayde bahut sare hote hai jese ki yeh apki body ko detoxify karti hai. Jinko liver psoriasis hai vo tomato jyada lein. Milk with turmeric lein. Aap ko pranayam jarur karna hai. Green tea peene ka sahi samay subh ke waqt hai. Ap din bhar me 3-4 cup green tea pee sakye hai.

Junk and fried foods na khayein. Bahut log radiyon ka khana khaate hain and vo khana dhaka hua nhi hota, vahan se bahut sare patients aate hain jinko hepatitis ki problem hoti hai. Iske lia humein falaahar jyada lena chaiye taki aap ka liver detox ho jaaye. Aap humare sath banne rahiye aur hum aap ki jaankari alag alag tarikon se karate rahenge

Namaskar!