Non-Surgical Treatments For Hair Loss

Hi,

I am Dr. Anuj Saigal consultant dermatologist, practicing in Delhi NCR. In my previous videos, I have tried covering few aspects of hair transplant that is the hair restoration procedure. So today we will discuss about the non surgical side of treatment modalities for hair loss. When hair transplant is not the only solution for hair loss. Agar aapko sirf hair fall ki problem hain ya fir aapko hair thinning ki problem hai toh hum log aapko sidha hair transplant ke liye recommendation nahi denge. Hum log aapko pahale bolenge ki aap medications try kariye ya fir Jo aurat therapies hain hamari including PRP (platelet-rich plasma therapy) therapies, mesotherapy jisko ki hum stem cell therapy bhi bolte hain ya fir laser therapies. In solutions ko try karne ke baad agar koi result nahi aata ya fir agar aapki balding front se hai. Front ka area aapka shiny ho chuka hai jahan Par hair follicles aapke dead ho chuke hain tab hum log hair transplant recommended karte hain. To non-surgical modalities kya hain, kitni safe hai, kaise unko kara jata hai, pain hota hai ya nahi hota hai. Aaj main wohi sab discuss karne jaa raha hoon.

Toh sabse pahli jo modality hai wo dawaiyan hain, medication hai, jisme kuch solutions hote hain, hair supplements, vitamins hote hain. Jo ki aap apne level par, daily basis par khud karte hain. Unse maximum aap ka hair loss rukta hai ya kuch cases mein thickening of hair ho sakti hai. Jo therapies aapko actually help karenge, aap ki density improve karne mein ya fir aapke existing hair ko thik karne mein, unme se kuch hai jo ki PRP therapies hain. Jisme ki hum aapka kuch blood lete hain round 8 to 10 ml aapka blood lete hain aur usko hum centrifuge karte hain wo 3 fractions mein separate hota hai plasma, platelet aur RBC. Usme hum platelet rich plasma lekar, aapke scalp par inject karte hain. Ab ye therapy kaam kaise karti hai. Platelets mein kuch growth factors hote hain, jo ki aapki soi hui jaadon ko activate karte hain, jisse ki aapki density mein improvement aata hai. Ye therapy kareeb ek ghante ke andar kari ja sakti hai. Aapka clinic in time or clinic out time maximum 1 hour hota hai. Is mein hum aapka blood lene ke baad hum centrifuge karte hain aur us samay hum aapko numbing cream laga dete hain. Jisse ki injections jab hum aapko denge to aapko pain nahi rehta hai. Kyunki isme growth factors hote hain jinko activate hone mein kareeb ek mahine ka samay lagta hai.

To results aapko ek ya do mahine ke baad dikhne start ho jate hain. Jo dusri therapy hai jisko hum mesotherapy bolte hain ya stem cell therapy bolte hain. Uska concept ye hai ki hum kuch vitamins ya stem cells, cocktails of vitamins hote hain. Unko hum infuse karte hain aapke scalp mein, wo kis tarike se kara jata hai ya to misogun ki help se kara jata hai ya ham direct injection ki madad se hum un vitamins ko infuse karte hain. To Ye do therapies agar hum alternatively chalate hain aapke hair fall mein aur aapki hair growth main improvement ho sakta hai. Ek nayi therapy hai Jo ki abhi sole therapy ki tarah to use nahi karte, lekin combination mein use karte hain jisko ki hum laser therapy bolte hain. Laser therapy yaniki low level light therapy. Jisme ki aapko ek laser cap pehnai jaati hai and again it stimulates the follicles jisse ki aapki hair growth mein increment ho sakta hai. To yeah Jo procedure hota hai ye one time procedure nahin hota aapko sessions lene hote hain, har week ya har do Hafte mein aapko ek session lena hota hai.

To ye Kareeb treatment 6 se 7 mahine aap ka treatment chalta hai, haan non surgical treatment main ek baat aapko batani chahunga, jaise ki surgery hai jo ki permanent solution hai, non-surgical treatments aapko maintain karne padte hain ya to aap in treatments ko repeat kariye, har do mahine mein, har 3 mahine mein ya baad mein jaa kar saal mein agar aap ek PRP bhi lete hain to bhi hum lambe samay tak jo result aata hai usko hum maintain karke rakh sakte hain. Lekin ye is tarike ke treatments nahi hain ki aapne ek bar treatment liya aur chhod diya aur pir aapko hairloss nahi hoga. To aap agar isko maintenance therapy ki tarah bhi le sakte hain to hum aapki blading ko lambe samay tak postpone kar sakte hain aur hair transplant Ko hum delay kar sakte hain. To apki iske alawa koi bhi hair loss ya skin ko lekar agar koi bhi aapki query ho to aap mujhe contact kar sakte hain.

Thank you!