Obsessive-Compulsive Disorder (OCD)

Symptoms and treatment of OCD

I welcome all Lybrate viewers. Mera naam Ashish kumar Mittal hai. Main Columbia Asia Hospital, Gurgaon mein Consultant Psychiatrist hu. Aaj hum Obessive Compulsive Disorder ya OCD ki bimaari ke baare mein discussion karege.

Is bimaari ke pramukh symptoms hai baar bar safai karna ya safai ka vehem hona. Is bimaari mein log apne ghar ko baar baar saaf karte hai, zada kapde saaf karte hai, bartan dhule hone ke baawajood usko saaf kar dete hai. Kaafi logo ko dekha gaya hai infection ka vehem ho jaata hai. Unko lagta hai wo koi bhi cheez ko touch karege ya unknown cheez ko touch karege toh infection unme aaj jayege. Toh jiske wajah se wo koi bhi cheez ko touch karne se avoid karte hai, paper napkin ya romaal use karte hai. Ya fir log touch karne ke baad baar baar hath dhote hai. Market se aayege toh unko lagega ke koi infection unke shareer pe lag gaya hai aur wo nahane chale jayege jisme wo kaafi samay lete hai.

Is bimaari mein mareezon ko dekha gaya hai ke galat galat thoughts aate hai. Wo bhagwaan ke liye ho sakte hai ya apne family members ke liye bhi ho sakte hai. Toh is bimaari ke pramukh symptom hai doubt, fear ya negative thoughts aana. Is bimaari ke wajah se log repetition karte rehte hai, ek hi kaam ko karte rehte hai jisse wo thak jaate hai aur apni full efficiency se kaam nahi kar paate, jisse unke kaam mein delay ho jaata hai, ghar ke kaam mein delay, koi job kar raha hai toh job mein unko kaafi diqqat aati hai halaaki ye log kaafi samajhdar hote hai lekin bimaari ke wajah se dhang se kaam nahi kar paate hai, naahi uspe dhyan laga paate hai. Is bimaari ke wajah se wo dusro pe gussa bhi karne lag jaate hai kyunki unki ek tendency bann jaati hai perfect tareeke se kaam karne ki.

Is bimaari ke hote huye bhi logo ko pata hai ke diqqat hai unke sath aur baar baar repeat kar rahe hai, par wo ye sochte hai ki ye unki aadat hai. Wo nahi soch paate kaafi baar ke jaankari ke abhaav mein ke ye ek bimaari bhi so sakti hai. Dusre log bhi sochte hai ke ye iski aadat hai ya ye vehmi aadmi hai aur wo is bimaari ke bare mein naa jagrut hona chahte hai aur naa lena chahte hai. Lekin aapko dhyan rakhna hoga ke ye ek bimaari hai. Ye ek OCD ki bimaari hai jiski jaankari aajkal internet se bhi avail kar sakte hai. Agar aapko ye symptoms hai toh aap apne nearbypsychiatrist se mil sakte hai aur usse consult kar sakte hai. Treatment ke roop mein isme medical treatment and counseling ke roop mein CPT ya ERP kiya jaata hai jo ki har bade sheher mein available hai.

Agar aapko OCD se related koi bhi samasya hai toh aap mujhe gurgaon mein sampark kar sakte hai ya Lybrate pe consult kar sakte hai.