Signs Of Aging

Hello!

I am Dr. Vinay Singh. Aur aaj main aapke saamne prastut hoon chehre ke upar jo age lines hoti hai, signs of aging hote hain, unke baare mein discuss karne ke liye, unke baare mein aapko kuch batane ke liye. Sabse pehle toh ham ye janna chahte hain ki age ke signs se aging lines banti kyun hai ? Naam jaise batata hai age lines matlab ki jaise jaise hamari umar badhti hai waise waise hi dheere dheere fine line aana ya crow's feet ho na, ya dheere dheere chehre ki skin ka latak Jana. Ye bahut swabhavik hai parantu young logon mein bahut sare kaaran hote hai jiski wajah se yeh lines jaldi dikhne lagti hai. Doston mein aapko kuch kaarano ke baare mein bataunga. Jaise sabse pehla kaaran hota hai smoke karna, alcohol lena aur gutka pan masala khana. Adhiktar aap logon ko aapke ghar mein bhi mana karte honge.

Doctor bhi mana karte honge phir bhi aap sochte honge ki doctor khud bhi to smoke karte hain. Lekin dosto yeh scientifically proven hai. Science mein kaha hua hai ki age lines smokers main jaldi aati hai. To mai apne sare youngster dosto se yahi kehna chahounga ki aap log smoking jahan tak ho sake usko avoid karein. Secondly, alcohol ka atyadhik sewan. Ye bhi kaaran hota hai. Pollution exposure bade shehron mein jaise hum Delhi, Mumbai, Chennai, Jaipur, Lucknow, Patna shahar meinrehte hain. Yahan sabhi jagah par bahut jyada pollution hai, vatavaran bahut dushit hai, bahut dushit pani peene ko milta hai.

In sab ki wajah se bhi hamari jo koshikayein hain jo skin ki jo cells hain ya aapko aur detail mein bataun jo Collagen hai ye bahut jaldi uske andar changes aate hain. Aur iski wajah se lines dikhni shuru ho jati hai. Saath-saath agar aapko koi bimari hui hai jaise diabetes hai ya blood pressure hai aur uska treatment nahi le rahe. Toh doston yeh toh kuch kaaran the. Ab hum isko kaise thik karte hain. Mere apne clinic mein in ke baare mein bahut sare features hain. Jaise peel se hum shuru karte hain. Peeling ek bahut hi simple sa tarika hota hai jisme ek medicine hoti hai jo doctor ko pata hota hai kis concentration mei kis skin pe lagana hota hai. usse in age line ko shuru mein jo aati hai unko hum defile kar sakte hain, unko hum delay kar sakte hai. Iske baad MNRF yani ki Microneedling Radiofrequency Technique.

Painless technique hai ise use kar sakte hain. Thread lift kar sakte hain. 10-15 minute mein kiya jata hai. In sabhi mein koi scar nahi padte koi nishan nahi aata. Aap karva karke immediately kisi bhi function mein party mein ja sakte hain, Aur unka jo samay hai wo kafi lamba hota hai. Ek baar aap ne karaya to kam se kam 3-4 mahine tak iska asar rahega. Agar aap isko baar-baar karate hain toh asar bahut lambe samay tak rahega. Fir HIFU technique hai jiska matlab hai High Intensity Focused Ultrasound.

Isse bhi hum aapke deeper layers ko for example jaise press lagate hai jisse hum kapde ki salvaton ko thik karte hain usi tarah se HIFU ke dwara hum log lines ko defile kar sakte hain. Aur isi tarah se Botox bhi hota hai jo bahut suna hoga apne. Simple sa tarika hai. Pinch karke chota sa injection lagta hai jisse ki aap ki muscles bilkul shant ho jati hai aur woh wrinkles nahi rehte hain. Toh dosto yeh kuch tarike the wrinkles ya age-lines ko defile karne ke liye. Sabse important hai aap apni life style healthy rakhein toh age-lines der se aayenge.

Dhanyavad!