Sinus Allergy/Nasal Allergy

Namaskar!

I am Dr. Swati Tandon. Aaj is video ke through main aap ko sinus allergy and nasal allergy ke bare main bataungi. Ye bahut hi common hai. Humare nose ke charon taraf hollow space hota hai. Inka kaam hota hai mucus produce karna. Is mucus se hamara nose dry nahi hota hai and moist rehta hai. Agar ye hollow space block ho jaye to is condition ko sinusitis kehte hain. Ye problem - infection, allergy se ho sakti hai. Allergy ka matlab hota hai hypersensitivity. Iska most common symptom hai sneezing. Ek baar main 10-15 sneeze hoti hai. Nose se paani niklta hai and mucus discharge hota hai. Nose block hoti hai, eyes itching, headache, cough rehta hai.

Patient fatigue main rehta hai. Post nasal drip ka problem ho jata hai. Ye hamari quality life ko affect karta hai. Isse aapki sleep disturb hoti hai. Iss problem ke patients main asthma bhi bohot common hai. 50% patient mein asthma ki problem dekhi jati hai. Iska most important cause hai indoor allergens. Inmein dust, mite bohot hi common hai. Cockroach se bhi aap ko problem ho jati hai. Aap ko apne pet se bhi problem ho sakti hai. Kuch logon ko seasonal allergy bhi hoti hai jaise March and April mein pollen se unhe problem ho jati hai. Aaj kal air pollution se bhi patient ko problem ho rahi hai. Isko diagnose hum skin test se karte hain. Patch test kiya jata hai.

Aap ko maximum cheezein prevent karni hai and avoid karni hai. Tabhi aap apne aap ko theek rakh sakte hain. Dust, mite ko prevent karne ke liye pillow, sofa cover ko clean rakhna hai. Curtains ko frequently wash karna hai. Carpet ko bedroom se bahar rakhna chahiye. Old funiture ko living room mein na rakhein. Ghar mein hygiene maintain rakhein. Food items ko cover kar ke rakhein. Pets ghar mein na rakhein. Agar ghar mein pets hain to unhe bedroom mein na rakhein. Unko weekly bath karayein. Air pollution se bachne ke liye mask use karein. Treatment mein hum nasal and oral steroids prescribe karte hain. At the end, mai aap ko bolna chahungi ki allergy ka treatment prevention hai. Iska cure permanent nahi hai. Precautions lekar aap allergy ko kum kar sakte hain.

Thank You!