Symptoms of Depression

Here are Symptoms of Depression

Mera naam Dr. B. S Arora hai. Main ek monochikitsak hu. Aksar humare pass log aate hai aur kehte hai, “Dr. sahab, main depression mein hu aur depression ke kya lakshan hai?”

 Mitron, main aaj aapko batane jaa raha hu ke depression ke lakshan kya hai. Pehla, agar aap note kare ke pichle do hafton mein ke aapka mann kaafi udaas raha ho ya kaafi bhaari raha ho ya aapko kisi ko dekh kar rone ki ichha ho rahi hai, baat baat pe aap ro rahe hai, ye ek depression ka prarambhik lakshan hai. Aur depression ke lakshan hai jaisi ki bhook ka kam lagna, bhook ka adhyatik lagna, ya neend bahut aana ya neend na aana alas ke roop mein hai, aur dekha gaya hai ki aap ka kaam karne ki prati jo aapki shamta hai ya concentration hai ya attention hai wo kam ho gaya hai aur ye bhi dekha gaya hai ki aap shaaririk roop se aap ki jo activity hai ya toh wo bahut kam ho gayi hai ya bechaini badh gayi hai ya aapke khayalaat mein ye bhi aa sakta hai ki meri jo zindagi hai uska koi mulya nahi hai koi worth nahi hai, meri zindagi ke andar koi ichha nahi hai isko hum kehte hai the idea of hopelessness, worthlessness aur kabhi kabhi patient ko aatmaglaani ke bhav kaafi bhar jaate hai.

Isi dauraan kitne mareezon ko aatmahatya karne ke vichaar, aatmahatya karne ke liye apne aap ko taiyaar rakhna, kitne log depression ke dauraan apne aap ko haani bhi pahucha sakte hai. Ye depression ke prarambhik lakshan kahe gaye hai. Aur aklsar log kehte hai, “doctor sahab, depression ka ilaaj kaise aur kab tak hoga?” depression ka ilaaj do method se kiya jaata hai. Hum agar patient ko evaluate kare aur uske baad hum dekhte hai kis mareezon ko dawai ki zarurat hai ya nahi hai. Jo depression ke andar medicines chalet hai unko hum anti-depressants kehte hai. Wo lag bhag 9-11 mahine tak chalate hai. Usme bhi teen awasthaye hoti hai. Pehle hum mareez ko advice karte hai ki pehle 7-10 din tak aur fir thode samay tak 2-3 hafte tak apne manochikitsak ke sampark mein rahe. Second method, jisse log kehte hai psychotherapy ya counseling. Isme hum mareez ko sikhate hai ke apne aap ko aaram kaise karna, relax kaise karna, aur nakaraatma bhav aur vichaar se kaise chutkara paana chahiye.

Isme hum pehle mareez ko kehte hai ke negative thoughts ko pehchaane yaani aware rahe, unko challenge kare, aur nakaraatma vichaar ko hata ke positive feelings, positive thoughts, positive emotions kaise generate karne hai. Ye sab hum aapko monochikitsa ke dauraan sikhaate hai. Jisme pehle kuch haft eek se do sitting ya kabhi kabhi teen sittinh bhi lete hai. Jaise jaise aap in cheezon ka abhyas karege aapki dawai ki maatra aur dawai ki doses ko kam karte jaate hai. Aur fir ek samay aisa bhi aa sakta hai ke jab aap in cheezon ka niyamit tarah se abhyas kiya toh aapki dawaiyaan bhi chut sakti hai.

Mitron, agar aapko depression ya depression ke upchaar ke hetu agar aapko kuch aur jaankari chahiye toh aap mujhe Lybrate ke zariye sampark kar sakte hai.