The Neglect Of Mental Illness

Hello Friends!

Mera naam Dr. Vinesh Chandramaniya hai or me ek psychiatrist hun, Mumbai se. Friends aaj hum baat krenge ek bhut hi interesting topic pe. Aaj kal jo sabke jeevan me ghatit hota hai, vo hai stress. Lekin stress ko janne se pehle, health kya hai vo janna bhut jruri hai. Jaise hmare sabke dimag me health ka definition hai ki me physically healthy or sharir se mujhe koi taklif nhi hai, iska mtlb ye hai ki me healthy hun. Jabki ye adhura definition hai. WHO ke hisab se health ko 3 pehlu me divide kia hai. Pehla hai physical health, dusra hai mental health or tisra hai social health. Agar ye teeno aspect se aap healthy hain to hi aap complete healthy maane jayenge. Hmara sabka focus jayadatar hmara sharirik health ya physical health ki taraf rehta hai. Llekin hum sab hmare mansik swasthya ko, metal health ko neglect krte hain or hum uske bare me aware nhi hai. Uska ek reason ye bhi ho skta hai ki jo chiz humko dikhayi deti hai, uske upar hum log bharosa krte hain or jo chiz invisible hai, uske upar humko vishwas nhi hota. Jaise sharir dikhta hai or sharir ki kuch bhi bimari ko doctor ke pas jake consult krte hain or uska ilaj krate hain lekin mental health kisi ko dikhayi nhi deta hai.

Lekin kabhi kbhi hmari life me jo invisible chizen hain or jo nhi dikhayi dene vale chizon ka hmari life me bhut important hota hai. Agar me example dun to humko jeene ke lia roti chaiye, paani chaiye. Us s bhi ek ehem chiz hai hawa. Mtlb oxygen. Hum oxygen le rhen hain to hum jeevit hain. To ye hawa humko dikhayi nhi deti but uska mehtav hmari lige me bhut jyada hai. Similarly ek badi building hai jo apne base pe bhut majbooti se khadi hoti hai, to hi vo tikki rehti hai. Quki uska base underground hota hai or humko dikhayi nhi deta. Aise hi friends, hmara mansik swasthya, hmara mental health, vo bhut hi important hai. Islia me hmesha kehta hun ki hmara maan tandurast ho, taan tandurast.

Agar aap physically kitne bhi healthy hain lekin aap mentally agar kamjoor hai ya menatlly aap tanav se garast hain, to aap apka physical performance bhi brabar se kar nhi payenge. To iski vjha se aaj jo hum discuss krenge vo hai menatl health or stress. Friends, ye mental health mtlb kya? Mental health mtlb koi bhi individual insan hai, uska ability hai ki vo kitna personal or social adjustment kar pata hai. Vo mental health hai. To mental health me sabse jyada important hai, vo hai stress. Jisko hum log tanav bolte hain. Abhi ye stress kya hai. To stress ka hum log koi uniform definition nhi bol skte. Aise agar definition kia jaye to stress kya hai. To hmara body or hmara mind dono ka response ya reaction hai jo hmari life me koi bhi aisa event hota hai ya hmari life me koi bhi aisa change aata hai, jisko hmara body or mind apne tarike se react krta hai, to usko hum log stress bolenge.

Stress person to person vary krta hai. Jaise koi insan agar bhavok savbhav ka hai ya jiska personality bhut sensitive hai ya iska sehenshakti bhut hi kam ho gya hai, usko choti choti baaton se bhi tanav ho skta hai. Or koi insan jiska personality bhut hi strong hai or usko coping mechnism bhut hi strong hai to usko bhut hi kam stress hone ki sambhavna hoti hai. To ye stress me kya hota hai, ek hota hai positive stress. To thoda little amount of stress is necessary for optimal functioning. Hmara kam ko prerit krta hai. Hmara motivation level ko badhata hai or performance ko bhi vo badhata hai. Usko hum positive stress bolte hain. Agar ek example dun, to ek student hai, usko exam ka stress hai, iski vjha se vo padayi krta hai or hard-work krta hai or ache number se vo pass ho jata hai. Aise hi agar vhi stress apka body or mind ki capacity ke bahar chala jata hai to usko hum negative stress bolte hain ya distress bolte hain. Ye distress ki vjha se kya hoga ki apka performance decline hoga. Apka kam me galatiyan hona chalu hoyega. Aapke kam or relations pe aap focus nhi kar payenge.

To isko negative stress bolte hain. Aamtor pe stress ke karan kya hain. To 2 trha ke karan hote hain. Ek hota hai external mtlb bahari karan or dusra hai internal jo hmare andar kuch aise factors hai jo bhi tanav ka karan ho skte hain. External factors jaise maine kha sabke lia alag ho skte hain. Jaise kisi ko financial problem hai, kisi ko kuch relationship ka problem hai ya kam ka problem hai, Kisiko kuch bimari hai jo thik nhi ho rhi hai. Aisa bhut sare karan se stress hota hai. Or hmare andar ke karan kya hai? Hmara savbhav, hmara personality kaisa hai, hmara attitude or nazariya kaisa hai kisi bhi chiz ko dekhne ka. Hmare me dheeraj shakti kitna hai. Ye sab factors decide krte hain ki apke upar stress ka affect pdega ya nhi. Aam toor pe har insan ka ek limit hai jaise balloon hai or agar hum use fulate hain, uska ek capacity hai or uske bahar hum usko or fulane jayenge to vo burst hota hai. Similarly hmara body or mind ka capacity ke bahar jab ye tanav aa jata hai to uska fir dusht parinam chalu hota hai. Tanav ki vjha se hmara kuch hormonal changes hote hain. Cortisol nam ka hormone badhta hai. Or ye hormone baki ki hormones ko parbhavit krta hai or uska side-effects start hota hai. 2 trha ka problem ho skta hai. Ek hota hai physical problem or ek hota hai menatlly problem.

Physical problem stress se kya ho skta hai. Agar aap jyada stress me hai to apko blood pressure ho skta hai, diabetes hai, cholesterol hai, kuch peat ki bimariyan hai, thyroid ke problems hai, kuch chamdi ke aise rog hain, heart ki diseases hai. Abhi young age me jitne logon ko heart attack aate hain, uska karan tanav hai. Kuch aise chamdi ke rog hain jo tanav se badhte hain. Tanav se bhut headache ho skta hai, concentration me problem ho skta hai. Us s emotional problems bhi hote hain. Emotional problems me apko apne savbhav me parivartan lgega, aap logon ko lgega ki aap me jyada chidchidapan aa gya hai. Choti choti baaton me aap apna temper loose krte hain, gussa aata hai. Koi chiz me maan nhi lgta, focus nhi kar pate. Studies ke parati apka focus nhi rehta hai. Apka memory p prabhav pdta hai, Apki neend pe, apki bhook pe uska prabhav pdta hai. Kisi ko jyada neend aati hai or kisiko kam neend aati hai. Jyada ghabrahat mehsus krna. Koi bhi chiz ko aap easily handle nhi kar payenge. Jldi se decision nhi le payenge. Agar hadd se jyada stress badhega to kuch psychiatric bimariyan ya mansik bimariyan bolte hain jaise anxiety, depression, insomnia, sexual problems. Or agar hadd se jyada stress badh jaye to suicide ke vichar bhi aate hain. Agar aap pichle newspaper dekhenge to bade bade celebrities ne suicide kia tha.

To uska karan stress ho skta hai ya depression ho skta hai. To iske lia apko awareness hona bhut jruri hai. Uske parati apko jankari hona bhut jruri hai. Abhi stress ka treatment humko kaise krna hai. Stress ko hum khudse durr kaise rkh skte hain. Iske lie me apko kuch tips dena chahunga. Sabse pehla tip ki apka support system kaisa hai. Aap family ke sath rehte hain ya aap akele rehte hain. Jo log family ke sath rehte hain un logon ko stress kam hota hai. Quki family ek stress protection ka kam krti hai. Agar aap apne family and friends ke sath share krenge to uska solution apko immediately mil jayega. Jo log isolated rehte hain, vo kisi se share nhi kar pate. Jinke kam freinds hain vo log jyada share nhi kar pate or iski vjha se vo log andar hi andar ghutte hain. To support system apna bhut strong rkhen. Family ko ache se time dena hai. Dusri chiz hoti hai diet or exercise. Agar aap khana kaisa khate hain, us s aap stress ka affect rok skte hain. Jaise aap regular interval par khana khate hain, agar aap kam carbohydrate and sugar vala khana khate hain, quki jab hum log tanav me rehte hain to hmara craving badh jata hai, sugary foods k lia jisko hum feel good bolte hain.

Ye food khane me acha lgta hai par uska affect mind or body pe jo pdta hai, vo bhut hi khrab effect hota hai. Us s stress or anxiety badhta hai. Dusra, jo log regular exercise krte hain, mtlb jis exercise se apka sweating hoga, that is aerobics. Uski vjha se body me endorphin nam ke hormone paida hote hain or ek tazagi ka anubhav dete hain. Us se hum log motivated and focused rehte hain. Jo tisri chiz hai vo hai sleep. Kabhi kbhi hum neend ko neglect krte hain. Jaise exam ke time pe student kya krega, puri raat pdega or subha exam dete time uska mind block ho jata hai. Padha hua chiz usko yaad nhi aata. to dimag ko rest milna bhut jruri hai. Iske lia apko roz ek habot bnana hai ki ek time pe sona hai or ek time pe uthna hai. Apko TV, mobile, laptop sab switch off krna hai. Kabhi kabhi day to day activities bhi hmare lia tanav ka kam krti hai. Jitna apka bad habits hai ya negative side hai, uske uar agar hum kam krenge to hum stress pe kam kar skte hain. Jaise aap apna attitude positive rkhte hain to us se aap kafi tanav ko kam kar skte hain. Jo hmare control me nhi hai uske piche samay bita ke koi mtlb nhi hai. Hmare control me kya hai vo humko janna hai.

Hmare control me hmara savbhav or behavior hai. Uske upar humko kam krna hai or focus krna hai. Hum log 100 jan ka muh band nhi kar skte. Lekin 2 kaan band krna hmare control me hai Kbhi bhi aap over-commit mat kro khud ko. Ki me ye bhi kar lunga or vo bhi kar lunga. Dusra hmare andar jitna patience develop hoga, utna jyada acha hai. Jitna aap life ko balace rkhenge vo bhi apko stress se protection dega. Pehla 8 hours apko genuine kam krna hai. Dusra 8 hours rest or sleep. 3rd hai 8 hours for family, friends and faith; health hygiene and hobby iske prati hum log bhut hi kam jagruk hain. Bhagwan jo krta hai acha krta hai. Last tip me apko dunga vo hai relaxation. Jiske bare me hum sabko jankari hai. Vacations pe jana vo bhi ek trha ka break lena hai. Ye bhi ek trha ka stress protection deta hai. Relaxation me yoga hai, pranayam hai, meditation hai, exercises hai ye sab chiz aap kar skte hain.

Last chiz hai, usko hum bolenge hug therapy ya jaddu ki jhappi. Abhi hum log jo hmare priyejan hain, unko jab hum hug krte hain to hmare body me kuch hormones paida hote hain jisko oxytocin bolte hain. Ye hmara bonding badhata hai. Iska bhut mehtav hai or hum hmare routine me ye sab bhul gye hain. Quki aaj kal hmara life technological life hai. Hmesha hum log hmare laptop or mobile me vayast rehte hain. Jitna aap quality time apane friends ko denge, utna aap tanav se durr rhenge. To friends, aaj mene sari jankaru mental health or stress ke upar dia hai. Jitna aap pro-active banenge or accept krenge. Sabse pehla acceptance hota hai to hi aap maddad k lia jayenge.

2nd chiz hai isko hum ABC therapy bhi bolte hain. A-acceptance, B-balance, C-control. Treatment me agar counselling ki jrurat hogi to nhi to fir dawaiyon se apko tik kr skte hain. Please be pro-active. Let's talk. Aap khud ko andar hi andar mat rkhiye. Jo bhi apko taklif hota hai usko went out kriye. Usko share kriye. Or definitely iska apko solution milega. Thank you friends for hearing or apko iske alwa mujhse agar contact krna aap chahte hain then you can contact through lybrate.com.

Thank you!