Tips For A Healthy Liver

Hello,

I am Dr. Monika Jain, Gastroenterologist. Today I will talk about the tips for healthy liver. Aap sab jaante hain ki liver humare sharir ka ek mukhaye aang hai joki bahut sare kam karta hai humare sharir mein. Hum liver ki tulna gaadi ke engine se kar sakte hain. Liver humari puri body ki health ke lia important hai. Ab hum ye janege ki liver humare sharir mein kya kya karta hai? Sabse pehle hai khana pachana. Pachan kriya mein iska important role hai. Dusra humare body mein jagaha jagaha par proteins rehte hain joki kuch enzymes ka and kuch hormones ka kam karti hain toh iska synthesis liver ke through hota hai. Humari body ki dusri bimariyon se jo ladne ki shamata hoti hai vo bhi liver ke through hoti hai. Aap ne dekha hoga jaise agar koi cut pad jaaye skin pe toh vahan khoon jam jata hai toh ye bhi liver ke through hota hai. Aur bhi metabolic functions hain jo liver perform karta hai. Ye ek taraha ka store house and engine hai jo har chiz ka take care karta hai. Ab kin kin karanon se liver damage hota hai? Sabse important hai alcohol.

Dusra important factor hai viruses like hepatitis B and C. Ye liver ko damage kar dete hain and fir hepatitis stage, cirrhosis stage and ultimately pura liver damage hone ke baad kayi baar liver cancer ho sakta hai. Tisra important cause hai fat. Iski vajaha se jab liver damage hota hai toh ise non-alcoholic fatty liver kaha jata hai. Bahut sari medicines bhi liver kharab karti hain. Chote bachon mein dekha gaya hai ki metabolic causes hote hain. Generally dekha gaya hai ki ye disease chote bachon mein bahut jaldi aa jati hain. Ab liver disease ke baare mein humein kaise pata chalta hai. Agar liver ki performance achi nahi hogi toh patient ko khana digest karne mein problem aayegi. Patient ko vomiting ho sakti hai, jaundice ho sakta hai. Oatient ko peat mein dard ho sakta hai. Kayi baar patient ko pata bhi nahi chalta hai ki use liver ki problem hai. Lekin agar aap ko koi bhi symptom aata hai toh liver ka test jarur kra lein. Kayi baar normal treatment mein bhi pakda jata hai ki liver kafi kamjoor hai. Kayi baar hepatitis B and C delivery ke time pe bhi pakad lia jaata hai.

Aaj kal sabhi donors ki bhi testing ki jaati hai. Agar koi symptom hai toh liver ka test recommend kia jata hai. Hum kis test se bata sakte hain ki liver kharab hai? Ek hai blood test jismein liver function test kia jata hai. Fir hum hepatitis ka check bhi kar sakte hain. Pehle liver biposy karna hota tha but up fibroscan hai jo non-invasive hai. Is se hum ye bata sakte hain ki liver mein kitna fat hai aur ye simple fat hai ya fir vo liver ko fibrosis ki taraf le ja raha hai. Endoscopy bhi ek test hai jo indirectly humein btata hai ki liver damage kis extent tak hai. Ab baat karte hain prevention ki humein liver health maintain karne ke lia kya karna hai? Alcohol aap ko avoid karni hai. Hepatitis B and C ka check kra lena chaiye. Humare pass vaccination bhi available hain.

2001 se government ki wajah se vaccination ka schedule bachon ke lia aa gya hai. Hepatitis C ko hum difficult bolte the and ise kala pilia ke naam se janna jata tha. Par pichle 2.5-3 saal mein humare pass iske lia achi medicines aa gayi hain. Hum 12 weeks ke treatment mein almost cure kia ja sakta hai. So, B ke lia vaccine hai and C ke lia medicines hain. Humare liver ka fat minimum rehna chaiye. Iske lia aap walk karein, exercise karein. Jo fatty food and fast food ka bahut jyada consumption hai, ise kam karna hai. Trans fat like pizza, burger, ye sab aap ko kam karna hai. Weight aap ko healthy maintain karna hai. Koi bhi mediicnes Dr ke salah ke bina na lein. Bahut sari drugs hain jo humare liver ko damage kar sakti hain. Aaj kal har koi gym products bahut jyada consume kar rahein hain. So, ye unsupervised products bhi humare liver ko damage karta hai. So, last mein mai kehna chahungi ki love your liver and take care of it.

Thank You.