Understanding Mood Disorders!

Hello,

I am Dr. Somiya Mudgal, psychiatrist. We are today going to be discussing about mood disorders. Mood disorders ki hum agar baat karein toh ye ek broad category hai jisme ki hum baat kar sakte hai depression ki, hum baat kar sakte hai mania ki aur teesri problem hai mania and depression that is called as bipolar mood disorder. Usually jo case humare paas aate hai vo mood disorder ya depression ke aate hai jo ki bahut hi common pareshani hai jo ki aajkal bahut hi commonly dekhi jaati hai chahe vo 15,16, 17 saal ke bachche ho, chahe adult ho, chahe vo bade bujurg ho. Depression ki shikayat kisi ko bhi kisi bhi umar mein ho sakti hai. Uske reasons kuchh bhi ho sakte hai from sharirik beemari ho, pariwar mein koi problem ho, kisi rishtedar ya kisi ke sath anban rahna ya office mein adjustment na kar paana ya work mein bahut kyada stress hoke burn out ho jana, inme se koi bhi reason apke depression ka ho sakta hai. Do, scientific ya organic reasons of depression that is apki shareer ki hi koi bhi sharirik problem, apke deemag mein kuch chemicals ki kami hona, vo chemical hai serotonin ki kami hone se bhi depression ho sakta hai ye koi jaruri nahi hai ki apke saath kuch galat hi ho ya koi hadsa ho toh hi depression hoga. Depression ka ilaz bahut hi asan hai. Agar aap accept kar le ki apko depression hai aur apko madad ki jarurat hai toh all you have to come and see a psychiatrist. Depression ke liye medications available hai, jin sthiti mein hume lagta hai ki tanav ke reason aise hai ki hume lagta hai ki hame work karne ki jarurat hai waha pe hum psychotherapy, CBT ya BT karne ki bhi koshish karte hai patients ke sath jis se ki hum unhe adjust karne ya unn pareshaniyo ya uss mahaul mein adjust karne ki training dete hai.

Ab aayein hum bipolar mood disorder pe. Mania usually bipolar mood disorder ke sath dekha ja sakta hai. Mania ke symptoms hote hai ki ek aadmi ekdum se bahut badi badi bate karne lage, bahut badi badi demands karne lage, excessive paisa kharch karne lage, vo ye dava kare ki vo bahut bade logo ko janta hai, vo bhagwan se baate kar sakta hai, ya vo ye kahe ki log usse marne ki koshish kar rahe hai, aise baate karna aur sath mein uski neend kam hona, bhukh bahut badh jaye, sajna sawarna jyada hone lege, especially ladkiyo ke case mein, sexual needs badh jaye, ye saare symptoms mania ke hote hai. Agar symptoms iss se thode kam hai lekin isi tarike ke hai toh isse hum hypomania kahte hai. Hypomania mein psychotic symptoms, jaise ki shaque karna, waham karna ki log mujhe maar denge ya marna chahte hai, iss tarike ki baate nahi hoti lekin mania mein vo wale symptoms bhi paye ja sakte hai. Toh agar kisi insan ko pahli baar iss tarike ki beemari ho rahi hai toh vo manic disorder hai, bipolar disorder hai. Bipolar disorder ek baar agar kisime diagnose hua hai toh uss insan ko kaafi samay tak dawai ki jarurat padti hai jo ki uski beemari ko control mein rakh sake. Dawai pe rahne se frequency of episodes ki, chahe vo depression ho ya mania ho, vo ghat jaati hai. Unki intensity yaani ki severity bhi ghat jaati hai. Uski wajah se life kaafi stable ho jaati hai. Warna baar baar episodes aate hai, kabhi depression ke aate hai kabhi mania ke aate hai aur kabhi kabhi mix type ke bhi episodes aate hai jisme ki aap depression ya mania dono type ke symptoms dekhenge. Kabhi kabhi mania mein irritability bhi hoti hai, ho sakta hai apko ye symptoms badi badi bate karta na dikhe but insan kuch jyada hi energetic ho jaye aur bahut hi jyada irritable ho jaye, toh vo bhi ek hypomanic symptom ki taraf ishara karta hai.

Bahut jaruri hai ki iska ilaz kiya jaye. Dusra ye hai ki agar koi insan sath mein nasha karta hai ya koi aur goliya leta hai ya kisi aur treatment ki dawaiya leta hai, kisi aur beemari ki dawaiya leta hai toh chances hai ki unn dawaiyo se manic symptoms ya psychotic symptoms badne ke ho jaate hai. Toh jaruri hai ki khud baithkar ilaz na karein, apne concerned psychiatrist se consult karein. Dawaiya usually, jo symptoms ke sath aap aate hai, chahe depression ho, chahe mania ho, in case of bipolar disorder usually hum mood stabaliser pe first rely karte hai. Second is anti-psychotic dawaiya pe hum rely karte hai, jo ki bahut safe category mein aati hai. Aur teesra, agar depressive symptoms ho toh hum anti depressing dawaiya bhi dete hai but the main mode of treatment is mood stabaliser jo ki kaafi lambe samay tak leni padh sakti hai. Par agar aap unhe le toh apki quality of life and apki well being bani rahti hai. So agar aap ke aas paas kisi ko bhi depression hai, bipolar disorder ke signs lagte hai ya manic symptoms lagte hai toh please apne doctor se jarur sampark karein. Dawaiya aur ilaz saari jindagi ke liye nahi hote hai, usually ek self limiting time hota hai, jaise hi aap symptoms free ho jaate hai, uske baad kuchh maintainance phase mein rakhke, usually ye ilaz band ho jaate hai. Aadhe se jyada log iss bhram mein ilaz nahi karate ki ek baar dawai shuru ho jayegi toh saari jindagi khani padegi. But fact ye hai ki quality of life ke upar hume iss fact ko itni importance nahi deni chaiye ki hum saari jindagi dawai khayeinge. Dusra ye hai ki ye sach nahi hai ki sabhi logo ko sari jindagi dawai khaana padta hai, bahut hi kam log aise hote hai jinhe kaafi lambe samay tak dawai ki jarurat padti hai. Lekin ilaz na karane se problem ki severity badne ke chances aur uske long duration tak baad mein fir chalne ki ashanka badh jaati hai. Toh bahut jaruri hai ki agar apko iss tarike ke symptoms lagte hai toh aap apna ilaz karaye.

Thank You!