Warts - Things To Know About It

Hello friends.

I am Dr. Archit Agarwal hai. Mai aaj apse warts ya verruca ke barein mein baat karna chah raha hoon. Warts ek basically viral infection hota hai jo ki HPV naamak virus ki vajah se hota hai, khaskar yeh masso ke tarah se nikalte hai. Warts vaise to bacho mein jyada common hote hain lekin bado mein bhi ho sakte hain. 3-4 prakar ke warts hote hai. Common warts jo ki verruca vulgaris hote hai vo khaskar chehre pe, hath pe, pair pe nikalte hain. Safed ya fir skin coloured ke rough masse hote hain aur ye contagious hote hai, yeh failte hai ek janah se doosre janah ko failte hain aur ek jagah se doosre jagah failte hain. Doosre hote hain philiform warts jo ki keel jaise nookile hote hain aur khaskar chehre pe, aankhon ke aas pass aur naak ke aas pass aur muh ke aas pass hote hain. Fir hote hai aapke plantar warts jo khaskar pairon mein hote hain aur kayi bar voh pain bhi kar sakte hain, weight bearing areas mein. Agar yeh bahut saare hote hain toh isi ko mosaic warts bhi bolte hain. Fir hote hai aapke venereal warts jo ki sexually transmitted hote hai aur genital organs ke aas pass hote hain. Yeh warts ko treat karna isilye bhi jyada important hota hai kyunki yeh pre-cancerous hote hain, cervical carcinoma ka chances hota hai is mein agar isko treat nahi kiya jaye to.

Warts hote kyu hai? Jaisi ki maine aapko bataya contagious hote hai, HPV virus ki vajah se hote hai, lekin jaha pe cuts hote hain jaise ki hath ho gaye vaha pe jyada failne ke isko chances rehte hain. To warts ka treatment jo hai vaise to bahut jyada YouTube pe aapko videos mil jaengi jisme garlic paste ke bare mein bahut bataya gaya hai lekin garlic paste vagarh patients bhi lagake aate hain hamare pass, garlic paste lagane se kya hota hai ki aas pass ki skin jal jati hai aur kyunki wart thoda deep hota hai islye vo wart theek nahi kar pata aur sabse important main yeh batana chahta hoon ki isko hume kam se kam touch karna chahiye to yeh kam se kam failega. Iske andar agar aap ghar pe isko treat karna chahe to salicylic acid ke paint aate hain bazar mein. Aap phle lukewarm water mein usko thoda sa bhigoiye jo area pe wart ho raha hai, usko fir aapko 5 min bhigone ke baad jab vo soft hojaye toh halka sa rub karna hai file se jisse ki upar ka dead skin utar jaye, fir salicylic acid lagana hai.

Ye treatment jo hai vo thoda lamba chalta hai lekin agar warts jo hai chehre pe hai, sexually transmitted hai, bahut saare hai, laal ho rahe hai ya fir agar inn cheezon se theek nahi ho rahe to aapko dermatologist ya skin specialist ke pass aake inko theek karana chahiye. Hamare pass cryotherapy hoti hai jo ki liquid nitrogen hoti hai jo hum ispe spray karte hai, jiski vajah se ice formation hota hai aur tissue destruction hota hai. Vo iske andar kafi successful treatment hai. Fir isme hamare pass electrocautery hoti hai. Electrocautery kya hai ek basically electric current se us wart ko jalaya jata hai local anaesthesia mein, sunn karne ke baad. Iske andar khane ki aur lagane ki dawaiyan bhi kuch hai: zinc ke tablets aur levamisole, imiquimod sachet aur flonida ya fir 5-florouracil ki cream, bleomycin ke injection, intralesional vaccines jaise ki MMR ke vaccine, intralesional vitamin D toh kafi sari modalities hain jo ki ek ya fir kafi sari ek sath kii jati hain jisse ki warts jaldi se jaldi khatam hojaye. Aap agar jo bhi aap treatment karana chahe aap karaye lekin aapko har treatment ke faide aur nuksan pata hone chahiye, kitna lamba treatment chalega vo pata hona chahiye aur khaskar jab yeh warts multiple ho to aapko iska treatment theek se lena chahiye.

Thank you!