Gastro & Liver Clinic

Namaskar,

Maine Dr. Piyush Ranjan, Delhi mein consultant hoon gastroenterology mein.

Aaj main aap se liver ki ek kafi common condition chronic hepatitis B aur hepatitis C ke baare main kuch jankari share karunga. Hepatitis B aur hepatitis C ye virus hote hai jinka sankraman hone par jinke infection se liver mein ek tarha ka permanent damage shuru ho sakta hai, shuruaat ke stage mein chronic hepatitis jiska arth hai liver mein inflammation hona wo hota hai aur agar ye untreated chalti rahe to isse liver cirrhosis ho sakta hai ya liver ke andar cancer ho sakta hai ya liver tumor ban sakta hai. Hepatitis aur B hepatitis C ke failne ka karan agar ham dekhen to kuch cheezen inme common hoti hain ye cheezen infected blood transfusion, unprotected sexual contact, intravenous injections yani jo log intravenous drug abuse karte hain unme iski infection kafi jyada dekhi jati hai.

Hepatitis B iske alava maa se bacchon mein aane wali yani ki vertical transmission ya janmjaat kai bar aati hai. Hepatitis B ke liye sabse achcha tarika hai hepatitis B ka prevention hai, vaccination hai. Aaj hamare desh mein janm ke samay hi sabko hepatitis B ke tiike lagaye jaate hain, agar future mein aapne pehle nahi lagaye hain to inko lagana chahiye ye kafi karygar tarika hai aur yadi aapko hepatitis-B sankraman paya jata hai to fir iske liye iske aage tests ki jarurat hai. Har hepatitis B infected patient ko koi treatment ki jarurat pade aisa nahin hota hai uske liye tests hote hain jinke aadhar per virus kitne number mein sharir mein hai aur liver ki kya condition hai iske basis per ye decide karte hain ki iski treatment ki jarurat hai ya nahi hai aur ismein regular follow-up ki jarurat hoti hai aur agar jarurat ho to iske liye kaafi karygar goliyan hain jo ki isko control kar sakti hain.

Isi tarah se hepatitis C jo infection hota hai iske liye jo hai ye ek science mein bohot hi important development pichle 5 saalon mein jo infection kafi mahange injections ke sath bhi nearly 50 to 60 percent success rate tha aaj iski goliyan hoti hai ye duniya ke baaki deshon se agar compare karen to kafi kam cost mein India mein milti hain aur inka success rate nearly 95 to 100% hota hai.

To agar aapke liver function test mein koi kharabi najar aati hai ya aapko past mein kabhi jaundice hua hai ya aapke ghar mein koi hepatitis B or C se pidit hai to apna bhi blood hepatitis B aur C ke liye test karayen aur agar ye infection aata hai to aap mujhse ya kisi bhi reputed doctor se gastroenterologist se sampark karen taki iska ilaaj karke liver ko future mein aur kharab hone se roka ja sake.

Dhanyvad.

Namaskar,

Main Dr. Piyush Ranjan, Delhi mein gastroenterology consultant hoon.

Aaj main aapse liver se related ek mahatvpurn bimari ke bare mein kuch jankariyan share karunga. Liver cirrhosis liver mein hone wali ek atyant gambhir bimari ye cirrhosis ka arth hota hai ki liver kisi bhi karan se agar lambe samay se usmein nuksan pahunch raha ho, damage ho raha ho to usmein ek kism ka permanent damage ho jata hai. Liver cirrhosis se hone wali jo pareshaniyan hoti hain unmen jaundice yani aankho ka pilaa-pan, pet mein pani bharna jisko ascites kehte hain, behoshi ki halat hona jisko hepatic encephalopathy kehte hain aur ulti mein khoon aana hota hai jo food pipe ya stomach mein hone wali khoon ki nasen esophageal varices iske karan hota hai.

Liver cirrhosis ke pramukh karno mein sharab, hepatitis B, hepatitis C ke infection or motapa yani ki fatty liver ke durgami parinaam se hone wale jo liver ke andar damage hota hai ye hoti hai. Iske alava kayin anaya karan bhi hote hain hai jaise autoimmune hepatitis, Wilson's disease, alpha 1 antitrypsin deficiency to jabh bhi kisi ko liver cirrhosis hota hai. In sabh cheezon ke baare mein test karna avashyak hota hai. In tests ke sath-sath jo davaiyan hoti hai, inmein pet se pani agar hai to usko hatane ki dava, agar khane ki nali mein khoon ki nasen hain esophageal varices to uske liye endoscopy ke jariye unko control karna ya kuch davaiyan jisse wo bleeding ka risk future mein kam ho aur diet ek bohot hi important role play karta hai. Hepatitis B, hepatitis C ke liye kaafi karyger upaye hain, jinke treatment se kai bar liver mein kafi improvement aati hai, jo alcohol lete hain unke liye alcohol band karna ye ilaaj ke liye bohot hi jaruri kadam hota hai aur iske alava yadi autoimmune hepatitis hota hai liver cirrhosis ka karan to uske liye jo ilaaj hota hai wo davaiyan ke jariye hota hai.

Agar kisi bhi karan-varsh saare treatment ke bad aur sari acchi nutrition ke bad, acche parhej ke bad liver ki sthiti mein sudhar nahi ho raha ho to ismein liver cirrhosis mein kayi baar liver transplant ki jarurat padati hai, liver transplant ka matlab hota hai purane liver ko hatana aur ek naya liver lagana.

Liver transplant 2 tarhan se hota hai, ek ko kehte hain DDLT (deceased donor liver transplant) jismein kisi bhi brain-dead donor ki body se liver nikalkar ke yadi uske rishtedar consent dete hain to lagaya jata hai jyadatar transplant northern part of India mein LDLT hota hai yani ki aapke apne kisi rishtedar jinka blood group same ho jo ek acchi healthy condition mein ho, preferably 55 years se kam age ke hon, 20 se 55 sal ke bich ke unke liver ka ek part nikal kar ke jo pidit vyakti hai jo patient hain unke andar lgaya jata hai. Liver transplant preferably successful procedure hai aur iske karan jo ek Bimari jo kisi bhi tarah se nhi theek ho sakti hai uska jadh se ilaaj hota hai.

To yadi aapke koi rishtedar ya aap is bimari se pidit hon, iske bare mein aap adhik jankari chahte hain to aap mujhse sampark kar sakte hain.

Thank You

Namaskar,

I am Dr. Piyush Ranjan, Gastroenterologist. Aaj me apko viral hepatitis ke bare me btaunga. Ise jaundice kehte hain. Ye 4 types ke virus se hota hai. Hepatitis A, B, C & E. Hepatitis A & E polluted water lene se hota hai. Iske symptoms hain fever, vomiting and yellow eye. Yellowish eye ka problem 2-4 weeks tak rehta hai. Ye bimariyan liver ko damage nhi krti hain. 1/200 person ko liver infection ho skta hai and liver function me problem aa skti hai.

Aise me blood ke thin hone se bleeding ho skti hai. Liver transplant ki jrurat bhi pad skti hai patient ko. Hepatitis B & C contaminated blood, injections or unprotected sex se ho skta hai. Hepatitis B & C liver ko damage kr skte hain. Is se liver cirrhosis ka problem ho skta hai. Iske symptoms hain blood in vomiting, liver cancer. Aaj ke time me kafi successful medicines available hain jinse hepatitis B ko control kia ja skta hai. Hepatitis C ka treatment kafi successful hai. Agar apko liver se related koi problem hui hai ya blood lia hai apne to hepatitis ka test krayein. Is se bachne k lia aap Dr se jrur consult kren taki aap is se liver ko khrab hone se bacha saken.

Dhanywad!

Namaskar! 

Me Dr. Piyush Ranjan, Sir Ganga Ram Hospital, Gastroenterologist hun. Aaj hum bat krenge fatty liver ke bare me. Ye problem 20-30% logon me dekhi jati hai. Liver me fat deposit hota hai. Logon ke maan me grade - 1, 2 & 3 ko lekar bhut sare questions hote hain. Iske causes hain obesity, sugar, cholesterol, thyroid and alcohol hain. Agar patient alcohol nhi leta hai to ise non-alcoholic disease kehte hain. Log mante hain ki is bimari se koi dush parinam nhi hota hai. 

But research se pta chala hai ki is bimari ke badhne se ye liver ko damage kar deti hai jis se liver cirrhosis ho skta hai. Is se bachne ke tarike ko smjhna bhut jruri hai. Aaj kal kafi nyi medicines hain jo cholesterol and sugar ko control krne ke lia di jati hain. Iske sath hi hume apni diet and physical exercise ka bhi dhyan rkhna chaiye. Iske lia ache diet follow kren. Liver ki bimari ko check krne ke lia ek nya test hota hai jise fibroscan kehte hain. Is se ye bhi pta chalta hai ki liver me fat kitna deposit hai or future me iske kya complications hain. Agar ultrasound me ye problem aati hai to panic na kren or doctor ko contact kren. Alcohol quit kren. Agar cholesterol and diabetes hai to inka acha treatment len. Agar medicines ki jrurat hai to doctor se consult kr k medicines le skte hain.

Thanks!