Goyal Hospital

Hi

I am Dr. Kulbhushan Bhartiya laparoscopic surgeon. Is video ke madhyam se aapki sahi aspatal ki chunaav karne mein madad karunga. Kisi bhi aspatal mein jaa kar jab hum ab doctor ko dikhate hain to doctor ke parche par uski degree, uska registration number va naam hona chahiye. Jab vo aapko lab test aur dawaiyan likhta hai, lab test ki report par pathologist doctor ke signature jarur dekh lein kyunki inn testo ke aadhar par hi aapke rog ka nidaan hoga aur aapko bimari se sahi hone me madad milegi. Bharti hone ki soorat mein aap ye sunishchit karein ki mareez ke upar monitors lage huye ho, monitors ki madad se compounder ya doctor door baithe huye aapke raktchaap, aapke dil ki dhadkan aur khoon mein oxygen ki matra ko maap sakte hain aur yeh dekh sakte hain ki aapki stithi mein sudhaar ho raha hai ya nahi. Yeh bhi sunishchit karein ki ward, kamre, air condition, temperature controlled ho, hamare tapmaan ka hamare shareer ko theek rakhne mein bahut bada role hota hai aur navjaat bacho mein to yeh bahut hi important hain. Iske alawa roz chaddarein badli jayein, hamare ghar se bhi saaf ward aur aspatal ho kyunki vaha bahut saare rogi hote hain, safai ke abhaav mein humein ek doosre se rog fail sakta hai.

Agar hume operation ki zarurt pade to yeh sunishchit jarur karein ki operation konse doctor kar rahe hain aur konse behoshi ke doctor unki madad ke liye aa rahe hain. Behoshi ke doctor ka operation mein hona bahut jaruri hai, kayi jagah dekha gaya hai ki kuch aspatal behoshi ke doctor ko bina bulaye hi operation kar dete hain ya kayi extreme cases mein to unqualified logo ne bhi operation kar diye hain. Yeh bhi dekhiye ki aspatal ke pass ek acha CSSD department hai kya. CSSD department ki jimmewari operation me kaam mein aane vale aujaron aur kapdo ko kitano rahit karne ki hoti hai. Agar CSSD department apna acche se kaam nahi karta hai to hamare operation ke andar infection hone ka khatra kafi badh jata hai, hume iss cheez ka vishesh dhyaan rakhna hai ki aspatal ke andar emergency, ICU, operation theatre ke andar defibrillator naam ki machine ho, yeh jab bhi achanak hridya gati rukti hain to uske current deke chalu karne mein hamari madad karta hai.

Aspatal mein hume yeh bhi dhyaan rakhna hai ki ambulance ki vyavastha hai ki nahi, firefighting ki vyavastha hai ki nahi, fire fighting ke abhav mein kayi aspatalo aur hotelo ke andar kayi logo ne apni jaan gawayi hain. Biomedical waste ka acche se niptara hona chahiye kyunki biomedical waste apne rogon ko idhar se udhar faila sakta hai. Dosto, inn sab cheezon ka dhyaan rakh kar hi aapko sahi aspatal ka chunaav karna hai. Jinn aspatalo mein yeh sab suvidhaye ho, unme aap rates ka comparison kar sakte hain magar sirf rate ke aadhar pe aspatal ka chunav karna sahi nahi hai aur isse musibat ke samay aap ko nuksan ho sakta hai. Dosto isi cheez ke sath aap mujhe kabhi bhi contact karna chahe to lybrate ke through kar sakte hai.

Dhanyavad! Savdhan rahein, swasth rahein.

Me Dr. Kulbhushan Bhartiya hun, director & laparoscopic surgeon. Ajj Apko me piles ke bare me kuch btana chahta hun. Piles ke symptoms hain pain, blood from anal, ya fir kuch gantho ka bahar ana hai. Iske mukhye karan galat toilet training hai. Hum bacho ko bachpan me hi train kar dete hain ki jor lga ke potty kren jis s unhe problem hoti hai or vhin se masse banne start ho jate hain. Dusra hmare bhojan ke andar reshe ki kami. Reshe hmare mal bnane or peat saaf krne me maddad krte hain. Aaj kal ke fast food se rehse ki matra kam hoti ja rhi hai. Iske karan bhi bavasir ka nirman hota hai. Tisri kuch liver ki bimariyan hai jiske anadar masse ban jate hain.

Masson se upchar ke lia hum kya kya kar skte hain? Sabse pehle hmari toilet training shi honi chaiye taki jab bhi hume pressure ho, tabhi hum toilet jake apna peat clean kar sken. Dusra hum bhojan ke andar apne reshe ki matra badhayein jiki hum fruits and vegetables se milti hain. Fried foods avoid kren. Fried food se hume constipation ka problem ho skta hai. Iske roktham ke lia hume jyada pani pina hai or hume ye dhyan rkhna hai ki hum jyda se jyada paidal bhi chalen.

Agar hum in sab chizon ka dhyan rkhte hain to hmare masse aage nhi badhte hain. Khood jyada niklne ke chances ho jate hain. Iske lia hume operation bhi krna pad skta hai. Agar hum in chizon ka dhyan rkhenge to hum oepration ki jrurat kbhi nhi pdegi. Masse hmari khoon ke nason ka ek gucha hai. Hum injections se inko sukha dete hain jis se ye thik ho jate hain. Dusre treatment me hum ek band in nason ke guche pe lga dete hain jis se unki blood supply band ho jati hai or ye masse gir ke khtm ho jate hain. Tesra conventional surgery jo hum hath se oepration krte hain.

Usme hum in masson ko pehle bandhte hain and uske baad kat dete hain. 4th latest technique hmari durbin ke dwara hai jiske andr hum mason ko bhi khtm kar dete hain or agar guda ka rasta thoda bhi bahar aa rha hai to vo bhi thik ho jata hai. Agar hum sari chizon ka dhyan rkhen or bachav rkhen or khane me reshe ki matra jyada rkhen and fruits and vegetables jyada khayen to hume operation ki jrurat nhi pdegi. Hume jaise hi iske symptoms feel hon, hume immediately doctor se milna chaiye quki khoon aane se kayi or bhi bimariyan ho skti hain.

Dhanyawad.