Pushpanjali Medical Centre

Hello,

I am Dr, Shantanu Chaudhry. I am B.H.M.S., Homeopathic physician. Today we will talk about dengue fever outbreak, as you all know aaj kal bahut jyada dengue fever ka outbreak chal raha hai. So I will tell you today what is dengue fever? How can you prevent it and if you get that fever so homeopathically kaise hum aapko thodi bahut help kar sakte hai? So basically dengue is a vector-borne disease caused by Aedes species of mosquitoes, it affects basically the blood cells. So blood cells jab bhi affect honge to drop of platelets hoga, 20 thousand se 40 thousand tak platelets dip iss beemari mein ho sakta hai. If platelets drop below 40 thousand, it is considered as a severe problem and it can lead to fatal issues also. Patients ki jaan tak ja sakti hai. Ye problem sirf machcharo se hone wali beemari hai, ye machchar saaf pani mein jyadatar paye jaate hai. Ye paani khule cans, kisi bhi tarike ke pots jaha pe stored pani ho, fresh pani ho uske andar ye paye jaate hai. Inka onset jyadatar high fever ke through hoga. Now we will talk a little bit about the symptoms of dengue. Mainly top most symptome hota hai high grade fever. Ye continuous fever hai jo ek baar chad gaya, toh wapis 98.6 jo humara normal body temperature hota hai, waha tak nahi break karta and it continues to give a high grade fever. Iske alawa jo main symptoms aate hai that can be body ache, severe nausea, vomiting, severe headache and excessive weakness. Bahut jyada weakness ho, body tutne wali feeling de ya bahut jyada fever ho jo uncontrolled ho, bina khasi jukam ke ho tab isko hum dengue ki taraf suspect karte hai. Kuch tests karwake hum ye pata kar sakte hai ki ye dengue hai ke nahi. Although pahle 4 to 5 days ke andar even test mein negative aata hai, toh kabhi kabhar false reports bhi aati hai, toh hume ye samajh mein nahi aata ki dengue hai ya nahi, isliye symptoms pe jyada dhyan dijiye. Inn symptoms ke alawa skin rashes ho sakte hai, jab bahut jyada severe ho jaaye ya dengue hemorrhagic fever, jo dengue ke bhi ek complicated paribhasha hai, uske andar even nose mein se ya gums mein se bleeding ho sakti hai and kahi bhi humare bahut jyada ghav ya easily bruises body pe pad sakte hai.

Agar hum baat kare ki homeopathically hum isko kaise treat kar sakte hai? Homeopathy mein bahut saari medicines dengue ke liye hai, unme se ek medicine nikalne ke liye hume patient se baat karni padti hai because har patient ke symptoms humesha different hote hai. Aapne suna hoga ek aadh medicine hamesha har baar aati hai ki ye medicine lene se dengue prevent ho sakta hai ya agar dengue ho jaaye toh ye medicine se dengue cure ho sakta hai. Hamesha jaruri nahi hai ki vo ek medicine jaise ki upitorum, perphoratum ya moxhol jiske naam bahut jyada whatsapp groups pe aate hai vo dene se thik ho jaaye, har baar har patient ke liye vo cheeje different hoti hai. Kisi ko bahut jyada thand lagti hai, kisi ko bahut jyada weakness hoti hai, kisi ko itni weakness aur thand nahi hogi par unke paas symptoms sirf vomiting hota hai, ye saare symptoms ke hisab se alag alag medicines hume deni hoti hai. Kuchh medicines ke naam agar hum discuss karein jaise Gelsemium ek medicine hai, Gelsemium agar hum 30 power mein use karein toh vo medicine extream weakness, thirstlessness aur high grade fever mein use ki jaa sakti hai, jisme loose motions bhi ho jaate hai. Rhux Tox usi jagah pe tab use ki jaati hai jab bahut jyada bodyache ho with high grade fever ho, waise hi bahut sari medicines hai. Isliye ek medicine pakdna ya uspe depend karna ki iss se humari puri ki puri samsya sulajh jayegi, aisa nahi karna chaiye. Jaise hi apko symptoms aaye ya toh high grade fever ya bahut jyada weakness kisi bhi anti pyrxix medicine se agar aapka fever nahi utar raha hai,fever utarne ki medicine se agar apka fever nahi utar raha hai toh aap kripaya doctor se mile, apne saare symptoms batane ke baad jo ek medicine nikal ke aayegi, vo hi aapko sabse pahle suitable hogi.

Iss dauran kuch blood tests hai jo apko jarur karwa lene chaiye, waise doctor ke paas jaake sabse pahle doctor aapko CBC(complete blood count) ki advice denge, uske andar apke platelet counts aa jaate hai. Agar apke platelets, jo normal range hai dedh lakh se char lakh hai, agar vo ek lakh se neeche aa rahe hai toh apko har dusre din platelet count check karwana hai jab tak apka fever nahi tut’ta aur fever tutne ke do din baad tak fir se apko blood ka platelet count karwana jaruri hai, kyuki fever tutne ke baad kuch cases mein platelet count aur tezi se girta hai. Iske alawa dengue ko pure tarike se diagnose karne ke liye Dengue NS1 antigen, ye ek jaanch hai jo aap karwa sakte hai. Lekin ye janche fir hum bata rahe hai ki pahle kuch dino mein reports negative bhi aa sakti hai, toh kabhi bhi doctor ki sahal ke bina aage proceed na karein. Aur sath sath apne platelet count pe nazar banaye rakhe. Ghar ki kuch cheeje hai jo apko jarur karni chaiye. Pahli baat full sleeves ke kapde pahne, jab barish ka mausam hai aur jab bahut jyada machchro ka mausam chal raha hai. Iske alawa apne aapko hyderated rakhna bahut jaruri hai, paani jitna jyada piyenge utna achche se aap bache huve rahenge. Uske alawa aas paas kahi bhi paani ikaththa na hone de. Aur jab bhi fever aata hai, fever ke dauran, kyuki iss beemari mein aisa bhi hota hai ki aapko pyas nahi lagti, bhukh nahi lagti, jo aap khayeng vomit hoga, uske baad bhi conciously khane peene pe dhyan lagaye. Nimbu pani, nariyal pani jo humare natural electrolytes hai, unko jarur le. Solids kam le, liquids jyada le. Ye cheeje leke aap iss beemari se bach sakte hai. Kripaya iss beemari ko ek panic situation na banayein. Ye beemari treatable hai aur aaram se aur kam dawaiyo se aur kuch normal cheejo ka dhyan rakhke aap isko aaram se thik kar sakte hai.

Thank You!