Regenix Clinic

Hello friends,

My name is Tushar Opneja. I am practicing Dermatologist and hair transplant surgeon. Today, I am going to speak about hair transplantation. Jaisa ki Ham jante hain ki hair transplantation ek aisa procedure hai jismein aapke piche se baalo ko nikal kar aage implant kiya jata hai ye technique ek hi din mein puri ho jaati hai aur piche jo area hota hai usko donor area bola jata hai aur jo aage wala area hota hai jahan per baal lagaye jaate hain usko recipient area bola jata hai.

Generally ye jo technique hai do tarike se ki jaati hai. Majorly isko FUT (follicular unit transplantation) or FUE (follicular unit extraction) do tarike ki techniques mein kiya jata hai. FUT jo technique hoti hai uske andar se piche se strip ko nikal kar ham aage implant karte hain, strip ko nikalne ke bad uski cutting hoti hai usmein se jo hair hote hain usko one by one follicles ko nikal ke aage implement kiya jata hai, whereas jo dusri technique hai jo ki jyada popular hai usko FUE bola jata hai, FUE technique ke andar koi scar nhi aata kisi tarike ki strip nahi nikaali jaati piche se aur ek-ek karke hair follicles ko back side se nikal ke aage implant kiya jata hai.

Hair follicles ek bar nikalne ke bad graft ke roop mein kehlaye jaate hain kyunki ek graft ke andar 2 se 3 yah 4 baal bhi ho sakte hain aur generally jab aap kisi bhi hair transplant centre ko approach karenge hair transplantation ke liye to aapko wo grafts ke bare mein bataenge ki hum aapke itne grafts aapke Lage, itne grafts aapke implants honge.

To hair transplant ke andar jo major 3 steps hote hain, FUE ke andar wo teen tarike se diye jaate hain jiske andar ki pehla step extraction hota hai, dusra step hair line designing hota hai aur teesra jo step hota hai usko implantation bolte hain. Extraction ke andar ham back side ka portion jisko donor area bola jata hai uske andar se single-single graft hairs ko nikalkar ham ek chamber mein collect karte hain aur unko 3 se 4 ghante tak ham collect karte rahte hain jab tak ki pure extraction pura nahin ho jata.

Extraction pura hone ke bad ham hair line designing par aate hain, hair line designing ek aisa process hai jo ki sabse important aur mahatvpurn hota hai jisse ki ek jo hair transplant karwane wala patient hai uski look banti hai to uske andar ham properly front se hair line ki marking karte hain aur fir uske andar slit making hota hai jismein ki baad mein usi graft ko implant kar sake. Hair line designing ke bad jo third process hota hai usko implantation bolte hain, implantation ke andar Jo humne grafts first step mein nikale the unko ham un slits ke andar dhire-dhire ek-ek karke dalte hain, dalne ke bad wo hair fix ho jaata hain aur fir ham usko bandage kar dete hain, bandaging karne ke bad patient ko ham ghar bhej dete hain aur uske bad 3rd day ham head wash ke liye bulate hain jiske andar ki wo bandages nikal jaati hai.

Jo FUE technique ke bare mein aapko main bata raha hoon uske andar basically koi scar nhi aata hai, koi stretch mark nahi yani ki koi bhi tarike ke tanke nhi lagte hain aur ye kafi painless procedure hota hai to aap hair transplant karane se pahle kin-kin baaton ka dhyan rakhen.

Sabse pehle doctor, jin bhi doctor ke pass aap hair plant karwane ka soch rahe hain aap ye jarur ensure karen ki wo ek qualified dermatologist ya fir ek plastic surgeon jarur ho aur second centre, jis bhi centre mein ja rahe hain use centre ka cleanliness aur well equipped nature jarur dekhen ki centre mein sari cheezein hain? Sabh tareeke ke equipments aapke pass hain. Third thing jo aapko dekhna hai hair transplant ke andar wo hai hamara results, results ke andar hamen ye dekhna hai ki jo bhi centre ya doctor se aap approach kar rahe hai unke results kis tarike hai aur wo kis tarah ka hair transplant patients ko de rahe hain, unke pass kuch photos ho, videos ho aapko dikhane ke liye, to aapko thoda sa unko dekh kar confidence aaega.

Hair transplant ke bare mein aap bahut jaldbazi na karen aaram se aap centre by center ya aap doctor ko acche se search karen aur uske baad thoda sa time lekar hi decide karen agar aap accha centre aur doctor sahi se chun payenge to aapka hair transplant ka Jo results hai wo bahut acha aaega aur iske andar aapko bahut hi smooth hair transplant milega. Agar aapko mera yah video bahut pasand aaya ho to aap jarur mujhse contact kar sakte hain. Agar aapko hair transplant ke bare mein koi bhi jankari chahiye ya aap hair transplant dhundh rahe hain to aap ya to mere centre par visit kar sakte hain joki Regenix Clinic, Mayur vihar, New Delhi mein hai ya fir aap mujhse lybrate app pe contact kar sakte hain. Mera naam doctor Tushar Opneja hai.

Thank you so much!