S R Liver & Gastro Clinic

Hello friends,

Main Dr. Rajneesh Gulati, gastroenterologist hun. Jo ki 25 saal se liver aur pet ki bimariyon ka ilaaj kar raha hoon. Aaj hum ek important bimari jisko fatty liver bolte hain uske bare mein discussion karenge. To aap dekhenge ki aajkal ye bohot hi commonly logo mein paayi jaati hai, har ek chauthe ya panchwe aadmi ko fatty liver hota hai. Fatty liver basically ek bimari hai jisme liver ke andar fat ki quantity badh jati hai aur ye fat dheere-dheere fir liver ko kharab karta hai aur liver advanced disease main chala jata hai jaise ki liver ka cirrhosis aur liver ka cancer hona. So ye aaj kal ki community mein bohot common hai aur ye ek lifestyle disorder hai, usually iske saath logo ko motapa hota hai, blood pressure hota hai, kuch logon ko sugar hoti hai aur kuch logon ke lipids bade hote hain aur kuch logon ko blood pressure bhi iske sath hota hai.

To ye aisi bimari hai jo lifestyle disorder hai, jisme ki unke khane ki quantity Jyada hoti hai aur ye log exercise kaam karte hain, jyada calories andar lekar jaate hain aur kam calories burn karte hain iski wajah se life mein imbalance aa jata hai aur liver mein jakar fat deposit hona shuru ho jata hai. Jaise aap jante hain ki liver body ka sabse important part hai khane ko digest karne ke liye, so is bimari se mostly bacha jaa sakta hai aur advanced liver disease se bacha ja sakta hai agar hum apne lifestyle ko theek se monitor Karein, theek se zindagi jiyen jisme ki 2 cheezein bohot hi important hai, 1 proper khana, number 2 proper time par khana aur exercise karna.

Fatty liver se bachne ke liye ye 2 cheezein hame apne dimag mein hamesha rakhni hai ki hum kya kha rahe hain, kis samay kha rahe hain aur proper vyayam ya exercise roj kar rahe hain ki ya nahi kar rahe. Agar hum ye saari cheezein kar rahe hain to ham ek bohot hi bhayanak liver disease se apne aap ko bacha sakte hain, apne baccho ko bacha sakte hain. Jaise ki aaj kal fast food ka bohot jyada fashion chal raha hai. Hamare bache aur hum log bohot jyada fast food khate hain aur on the same time sab logon ki jo activity level hai wo kam hota ja raha hai. Mostly log aajkal phone mein ya whatsapp mein ya email mein ya Facebook main jyadatar busy rehte hain.

haririk vyayam, sharirik exercises kam karte hain, games jyada khelte hain, tv Jyada dekhte hain, video games jada khelte hain aur ground per khelne wali games kam khelte hain Iski wajah se obesity ka incidence ya motape ka incidence bohot jyada hota ja raha hai aur yeh fat hamare liver mein, heart mein, dimaag mein, sab jagah par deposit hota hai aur sabhi organs ko ye kharab karta hai. So takehome message is that sahi samay par khaiyega, poshtik khana khayega, sugars jo hoti hain wo kam se kam khaiyega, sugar basically hame cold drink se ice cream se mithaiyon se milti hai to ye hame kam se kam khana chahiye aur inka sewan agar karna bhi hai to hame exercise ya workout ke dauran ya uske baad karna chahiye. Raat ke samay sugars kam se kam khaani chahiye aur isse hum kaafi tarah ke motape se bach sakte hain aur roj 40 minute se ek ghante tak ki exercise karni chahi taki hamare body ka metabolism sahi rahe, hamara liver strong rahe aur hum koi bimari aa jaaye to usse ladne ki shamta rakhte hon.

Thank you!

Hi,

I am Dr. Rajneesh Gulati, Gastroenterologist. Mai 25 saal se practice kar raha hun. Hum aap ki liver, stomach, intestine se related problems ki samasya ka hul dhundte hain. Humara pet food pipe se shuru hota hai. Isko stomach bolte hain. Uske baad choti intestine aati hai and fir badi intestine aati hai. Iske bich mein pancreas, liver aur gallbladder hota hai. So, a gastroenterologist in sab se deal karta hai. Gastroenterologist ne M.B.B.S. ki hoti hai, uske baad usne M.D. ki hoti hai aur uske baad D.M. ki hoti hai. So, D.M. ki degree differentiate karti hai. So, mera main rujhav stomach and liver ki bimariyon ki taraf hai. Jisko hum diagnose karte hain endoscopy ke sath. Hum bohot sari bimariyon ka ilaj bhi endoscopy ke sath karte hain. Jaise pet me ulcer fat jana. Liver ki vajha se food pipe me problem aa jana. Inko varices bolte hain. Agar ye faat jati hai to khoon ki ulti aati hai. Kuch logon ko chaati mein jalan hoti hai. Pet mein ulcer ho jata hai. Gallbladder mein stones ho jate hain.

Fir hum liver ki bimariyon ka ilaj karte hain. Jaise aap jante hain ki liver ki bimariyan jaundice karti hain. Inka bohot acha ilaj available hai. Fir choti aur badi intestine ki bimariyan aa jati hai. Jaise ulcerative colitis, irritable bowel syndrome. Iske alwa pancreas ki bimari ka ilaj kiya jata hai. Sabse achi baat hai ki in bimariyon ka ilaj hum bina operation ke karte hain. So, hum insan ke andar natural openings ke through jate hain. Jisko endoscopy bolte hain. Iska sabse bada fayda hota hai ki mariz same day operation kara ke ghar chala jata hai. Uski body mein koi cut nhi hota hai and recovery fast hoti hai. Agale hi din se vo office bhi jaa sakta hai. Toh in sab bimaiyon ka ilaj gastroenterologist karta hai. Humne bohot logon ko fayda dia hai. Hum chahenge ki agar aisi koi bhi bimari kisi ko bhi hai to uska fayda hum kar saken. Taki vo healthy and happy life jee sake. Endoscopy ek tube hoti hai jo ki patient ke muh mein se jaati hai.

Aur uske pet ko dekh kar ke bahar aa jati hai. Is se hume pet ki bimari ke bare me pata chalta hai. Isko karne ke liya 1-2 minutes lagte hain. Pehle patient ka gala sun kiya jata hai. Local anesthesia se patient ka gala sun kiya jata hai. Uske baad patient ko injection dia jata hai jisse patient thodi der ke liya soo jata hai, usko koi taklif bhi nahi hoti aur yaad bhi nahi rehta ki koi endoscopy hui hai. Endoscopy ke tube par camera laga hota hai. Ye camera with tube mouth ke raste se stomach mein jata hai. Uska image hum monitor pe dekh sakte hain. Patient ka pulse and BP record kiya jata hai taaki uski safety ka pura dhyan rakha ja sake.

Thanks!